കൊച്ചി: കളമശ്ശേരിയിൽ മീഡിയനിലിടിച്ച് ടാങ്കർ ലോറി മറിഞ്ഞതിനെത്തുടർന്നുണ്ടായ വാതക ചോർച്ച പരിഹരിച്ചു.
നേരിയ തോതിലുള്ള ചോർച്ചയായിരുന്നെങ്കിലും ഇത് ജനങ്ങൾക്കിടയിൽ ആശങ്ക സൃഷ്ടിച്ചു.
ഒടുവിൽ ആറുമണിക്കൂറുകൾക്ക് ശേഷം ഇന്ന് പുലർച്ചെയോടെയാണ് ടാങ്കറിന്റെ ചോർച്ച പരിഹരിച്ചത്.
അപകടത്തിൽപ്പെട്ട ബുള്ളറ്റ് ടാങ്കർ മണിക്കൂറുകൾ നീണ്ട പരിശ്രമത്തിനൊടുവിലാണ് ഉയ‍ർത്താൻ സാധിച്ചത്.
ക്രെയിൻ ഉപയോഗിച്ചാണ് ബുള്ളറ്റ് ടാങ്കർ അപകട സ്ഥലത്തു നിന്നും മാറ്റിയത്. ഫയർഫോഴ്സും പൊലീസും നാട്ടുകാരും ചേർന്ന് രക്ഷാപ്രവർത്തനം നടത്തി.
