ആലപ്പുഴ: സ്കൂളിൽ വെച്ച് പ്രായപൂര്ത്തിയാകാത്ത വിദ്യാര്ഥിനിയെ പീഡിപ്പിക്കാന് ശ്രമിച്ച കായിക അധ്യാപകനെ അറസ്റ്റ് ചെയ്ത് പോലീസ്. മാന്നാര് കുട്ടംപേരൂര് എസ്എന് സദനം വീട്ടില് എസ് സുരേഷ് കുമാറിനെ( 43)യാണ് അറസ്റ്റ് ചെയ്തത്. പോക്സോ വകുപ്പ് പ്രകാരമാണ് പ്രതിയെ മാന്നാര് പൊലീസ് അറസ്റ്റ് ചെയ്തത്. (Attempt to molest minor girl; teacher arrested)
സ്കൂളിലെ താല്ക്കാലിക കായിക അധ്യാപകനായി ജോലി ചെയ്യുകയായിരുന്നു പ്രതി.കായിക പരിശീലനം നല്കുന്നതിനിടെ സ്കൂളില് വെച്ചാണ് വിദ്യാര്ഥിനിയെ പീഡിപ്പിക്കാന് ശ്രമിച്ചത്. പെൺകുട്ടി സംഭവം വീട്ടിലറിയിച്ചതിനെ തുടര്ന്ന് രക്ഷിതാക്കൾ പോലീസിൽ പരാതി നൽകുകയായിരുന്നു.
പരാതിയിൽ കേസെടുത്തതോടെ സുരേഷ് കുമാര് ഒളിവില് പോയി. ഒരാഴ്ചയായി പലയിടങ്ങളിലായി ഒളിവില് കഴിഞ്ഞ ഇയാളെ മാന്നാര് പൊലീസ് ഇന്സ്പെക്ടര് എ അനീഷിന്റെ നേതൃത്വത്തില് നടത്തിയ അന്വേഷണത്തിലാണ് പിടികൂടിയത്. മുൻപും പ്രതി ഇത്തരത്തില് മറ്റ് വിദ്യാര്ഥികളോട് മോശമായി പെരുമാറിയിട്ടുണ്ടെന്ന് അന്വേഷണത്തില് വ്യക്തമായതായി പൊലീസ് അറിയിച്ചു.
അയ്യനെ തൊഴാൻ കുഞ്ഞുങ്ങൾക്ക് പ്രത്യേക പരിഗണന; ഫ്ളൈ ഓവര് വഴിയല്ലാതെ നേരിട്ട് ദര്ശനം
