തിരുവനന്തപുരം: കോടതിയിൽ വെച്ച് പോക്സോ കേസ് പ്രതി ആത്മഹത്യക്ക് ശ്രമിച്ചു. നെയ്യാറ്റിൻകര കോടതിയിലാണ് സംഭവം. കോടതിയുടെ മൂന്നാം നിലയിൽ നിന്ന് പ്രതി താഴേക്ക് ചാടുകയായിരുന്നു.(POCSO case accused jumped from third floor of Neyyattinkara court)
മാരായമുട്ടം സ്വദേശി വിപിനാണ് ആത്മഹത്യാ ശ്രമം നടത്തിയത്. ഇതേ തുടർന്ന് ഗുരുതര പരിക്കേറ്റ വിപിനെ നെയ്യാറ്റിൻകര ജനറൽ ആശുപത്രിയിൽ ആദ്യം പ്രവേശിപ്പിച്ചു. എന്നാൽ പരിക്ക് ഗുരുതരമായതിനാൽ തിരുവനന്തപുരം മെഡിക്കൽ കോളേജിലേക്ക് മാറ്റി.
നിലവിൽ തിരുവനന്തപുരം മെഡിക്കൽ കോളേജിൽ ചികിത്സയിലാണ് ഇയാൾ. പാറശ്ശാല പൊലീസ് സ്റ്റേഷനിൽ രജിസ്റ്റർ ചെയ്ത പോക്സോ കേസിലെ പ്രതിയാണ് വിപിൻ.
