തൃശൂര്: തൃശൂർ പൂരത്തിന് എത്തിയത് ആംബുലന്സിൽ തന്നെയെന്ന് കേന്ദ്രമന്ത്രി സുരേഷ് ഗോപി. കാലിന് സുഖമില്ലാത്തതിനാലാണ് ആംബുലന്സില് എത്തിയതെന്നും സുരേഷ്ഗോപി പറഞ്ഞു. അഞ്ച് കിലോമീറ്റര് കാറില് സഞ്ചരിച്ചാണ് അതുവരെ എത്തിയത്. അവിടെനിന്ന് ഒരു രാഷ്ട്രീയവും ഇല്ലാത്ത ചെറുപ്പക്കാരാണ് തന്നെ ആംബുലന്സില് കയറ്റിയതെന്നും സുരേഷ് ഗോപി പറഞ്ഞു.(Suresh Gopi on Thrissur Pooram ambulance controversy)
പൂരം കലക്കലിൽ സിബിഐയെ വിളിക്കാൻ ഇവർക്ക് ചങ്കൂറ്റം ഉണ്ടോ എന്നും സുരേഷ് ഗോപി പറഞ്ഞു. സത്യം വെളിയില് വരണം എന്നുണ്ടെങ്കില് സിബിഐയെ കൊണ്ടുവരണം. അങ്ങനെ ചെയ്താല് ഇടതുപക്ഷത്തിന്റെ രാഷ്ട്രീയം മുഴുവന് കത്തിനശിച്ചുപോകും. തൃശ്ശൂരിലെ ജനങ്ങള് വോട്ട് ചെയ്തതിന് കാരണം കരുവന്നൂര് വിഷയംകൊണ്ടാണെന്നും അത് മറയ്ക്കാനാണ് പൂരം കലക്കല് ആരോപണമെന്നും സുരേഷ്ഗോപി ആരോപിച്ചു.
ആരുടേയും അച്ഛന് വിളിച്ചിട്ടില്ലെന്നും ഒരു സിനിമാ ഡയലോഗ് പറയുകയാണ് ചെയ്തതെന്നും സുരേഷ്ഗോപി വിശദീകരിച്ചു.
