കൊച്ചി: മലയാളത്തിലെ ഹിറ്റ് സംഗീത സംവിധായകന് സുഷിന് ശ്യാം വിവാഹിതനായി. ഉത്തരയാണ് വധു. ബന്ധുക്കളും അടുത്ത സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.(Music director Sushin Shyam got married)
നടന് ജയറാമും കുടുംബവും, നടൻ ഫഹദ് ഫാസിലും ഭാര്യ നസ്രിയയും ചടങ്ങില് പങ്കെടുത്തിരുന്നു. കൂടാതെ തിരക്കഥകൃത്ത് ശ്യാം പുഷ്കര്, സംഗീത സംവിധായകന് ദീപക്ക് ദേവ് എന്നിവര് സിനിമ രംഗത്ത് നിന്നും ചടങ്ങിന് സാക്ഷിയായി. ജയറാമിന്റെ മകള് മാളവികയുടെ വിവാഹത്തില് സുഷിന് തന്റെ ജീവിത പങ്കാളിയെ മാധ്യമങ്ങൾക്ക് മുന്നിൽ പരിചയപ്പെടുത്തിയിരുന്നു.
‘ബോഗയ്ന്വില്ല’ എന്ന അമല് നീരദ് ചിത്രത്തിലാണ് സുഷിന് അവസാനം സംഗീതം നല്കിയത്. ഈ ചിത്രത്തിന് ശേഷം ചെറിയ ഇടവേള എടുക്കുമെന്ന് ഒരു അഭിമുഖത്തില് സുഷിന് വ്യക്തമാക്കിയിരുന്നു. ‘ഈ വർഷത്തെ എന്റെ അവസാന ചിത്രമായിരിക്കും ബോഗയ്ൻവില്ല. ഒരു ചെറിയ ഇടവേള എടുക്കുന്നു. അടുത്ത വര്ഷമായിരിക്കും ഞാൻ ഇനി പണി തുടങ്ങുക. ഇത് ഏറ്റവും അടിപൊളിയായി വരണമെന്ന് എനിക്ക് ആഗ്രഹമുണ്ട്’- സുഷിൻ അന്ന് ഒരു അഭിമുഖത്തില് പറഞ്ഞത്.
2014ല് സപ്തമശ്രീ തസ്ക്കരാ: എന്ന ചിത്രത്തിന് പശ്ചാത്തല സംഗീതം ചെയ്താണ് സുഷിന് ചലച്ചിത്ര രംഗത്തേക്ക് കടന്നു വന്നത്. കുമ്പളങ്ങി നൈറ്റിലെ ഗാനത്തിന് മികച്ച സംഗീത സംവിധായകനുള്ള സംസ്ഥാന പുരസ്കാരം സുഷിന് നേടിയിരുന്നു.
