പാലക്കാട്: വടക്കാഞ്ചേരിയിൽ കാറിടിച്ച് രണ്ട് പത്താം ക്ലാസ് വിദ്യാർത്ഥികൾ മരിച്ചു. മുഹമ്മദ് ഇസാം ഇക്ബാൽ (15), മുഹമ്മദ് റോഷൻ (15) എന്നിവരാണ് മരിച്ചത്. പന്തലാപാടം മേരി മാതാ എച്ച് എസ് എസിലെ പത്താം ക്ലാസ് വിദ്യാർത്ഥികളാണ് മരിച്ചത്. ഇന്ന് ഉച്ചയ്ക്ക് ഒരു മണിയോടെയാണ് അപകടം നടന്നത്. തൃശൂർ – പാലക്കാട് ദേശീയപാതയിൽ വാണിയമ്പാറയാണ് അപകടം.
വാണിയമ്പാറ പള്ളിയിൽ ജുമഅ നമസ്കാരം കഴിഞ്ഞ് മടങ്ങുകയായിരുന്നു കുട്ടികൾ. എറണാകുളത്തു നിന്നും പാലക്കാട് പോവുകയായിരുന്ന കാർ നിയന്ത്രണം വിട്ട് റോഡരികിലൂടെ നടന്നുപോവുകയായിരുന്ന കുട്ടികളെ ഇടിക്കുകയായിരുന്നു. റോഡിന്റെ ഇടതുവശം ചേർന്ന മൺറോഡിലൂടെ നടന്നുപോകുകയായിരുന്ന കുട്ടികളെ നിയന്ത്രണം വിട്ട് അതിവേഗത്തിൽ പാഞ്ഞുവന്ന 24 ന്യൂസിന്റെ കാർ ഇടിച്ചുതെറിപ്പിക്കുകയായിരുന്നു എന്നാണ് ദൃക്സാക്ഷികൾ പറയുന്നത്. പുതിയ ഫ്ളൈഓവർ നിർമാണം നടക്കുന്ന സ്ഥലത്ത്് നിന്ന് 100 മീറ്റർ മാറിയാണ് അപകടം
ഗുരുതരമായി പരിക്കേറ്റ വിദ്യാർത്ഥികളുടെ ജീവൻ രക്ഷിക്കാനായില്ല. മൃതദേഹങ്ങൾ തൃശൂരിലെ ജൂബിലി മിഷൻ ആശുപത്രിയിലേക്ക് മൃതദേഹങ്ങൾ മാറ്റി. വടുക്കാന്തോടി അഷ്റഫ് അലിയുടെ മകനാണ് മുഹമ്മദ് റോഷൻ. അഞ്ചുമൂർത്തി മംഗലം വലിയവീട്ടിൽ ഹൗസിൽ വി എം ഇഖ്ബാലിന്റെ മകനാണ് മുഹമ്മദ് ഇസ്ലം ഇഖ്ബാൽ.
English summary :The car plowed into the children who were walking; Tragic end for 2 class 10 students; Accident in Vadakanchery
