ഊർജ സംരക്ഷണത്തിനും കൂടുതൽ പ്രകാശത്തിനും വീടുകളിൽ ഉപയോഗിക്കുന്നവയാണ് സി.എഫ്.എൽ. ലാമ്പുകൾ. എന്നാൽ സി.എഫ്.എൽ. ബൾബുകളിലെ പ്രധാന ഘടകമായ മെർക്കുറി ഗുരുതരമായ ആരോഗ്യ പ്രശ്നങ്ങൾക്ക് വഴിവെക്കും എന്ന കാര്യം പലർക്കും അറിയില്ല. C.F.L. Those who use it, if they don’t know, get serious diseases
ബൾബുകൾ പൊട്ടുമ്പോഴാണ് പ്രധാനമായും മെർക്കുറി പുറത്തുവരിക. ഇങ്ങനെ വരുന്ന മെർക്കുറിയുടെ പൊടിയും പുകയും ശ്വസിച്ചാൽ രോഗങ്ങൾ തേടിയെത്തും. നാഡീ വ്യവസ്ഥയെയും വൃക്കയെയുമാണ് മെർക്കുറിയുടെ വിഷാംശം ബാധിക്കുക.
വീട്ടു പരിരത്തും മറ്റും വീണ് പൊട്ടുന്ന സി.എഫ്.എൽ. ബൾബിലെ മെർക്കുറി ജല സ്രോതസുകളിൽ കലരാനുള്ള സാധ്യതയും ഏറെയാണ്. സി.എഫ്.എൽ.ബൾബിൽ നിന്നും പുറപ്പെടുന്ന യു.വി. രശ്മികളും അപകടകാരികളാണ്.
ടേബിൾ ലാമ്പ്, ബെഡ് ലാമ്പ് എന്നിവയായി ഇത്തരം ബൾബുകൾ ഉപയോഗിക്കാതിരിക്കുക. മുറികളിലും മറ്റും സി.എഫ്. എൽ. ബൾബുകൾ പൊട്ടുന്ന സാഹചര്യം ഉണ്ടായാൽ വിഷാംശം പുറത്തു പോകാനായി വായുസഞ്ചാരം അനുവദിക്കുക.
കൂടുതൽ ഊർജ്ജക്ഷമതയും ഈടു നിൽക്കുന്നതുമായ എൽ.ഇ.ഡി. ബൾബുകൾ ഉപയോഗിക്കുക തുടങ്ങിയവയാണ് സി.എഫ്.എൽ ബൾബുകളുണ്ടാക്കുന്ന ആരോഗ്യ പ്രശ്നങ്ങളിൽ നിന്നും ഒഴിവാകാനുള്ള മാർഗം.
