കോഴിക്കോട്: പ്രകൃതി വിരുദ്ധ പീഡനത്തിന് ഇരയാക്കിയെന്ന യുവാവിന്റെ പരാതിയില് സംവിധായകന് രഞ്ജിത്തിന് മുന്കൂര് ജാമ്യം. കോഴിക്കോട് പ്രിന്സിപ്പല് സെഷന്സ് കോടതിയാണ് രഞ്ജിത്തിന് ജാമ്യം അനുവദിച്ചത്. മുപ്പതുദിവസത്തേക്കാണ് താത്കാലിക ജാമ്യം നൽകിയത്.(young man’s complaint of sexual harassment; Anticipatory bail for Ranjith)
അരലക്ഷം രൂപയുടെ രണ്ട് ആള് ജാമ്യത്തിലാണ് രഞ്ജിത്തിന് കോടതി മുന്കൂര് ജാമ്യം അനുവദിച്ചത്. മാങ്കാവ് സ്വദേശിയായ യുവാവാണ് രഞ്ജിത്തിനെതിരെ പരാതി നല്കിയത്. പ്രകൃതി വിരുദ്ധ പീഡനം, ഐടി ആക്ട് പ്രകാരമാണ് രഞ്ജിത്തിനെതിരെ കേസ് എടുത്തത്.
‘ബാവൂട്ടിയുടെ നാമത്തില്’ എന്ന സിനിമയുടെ ചിത്രീകരണത്തിനിടെയാണ് രഞ്ജിത്തുമായി യുവാവ് പരിചയപ്പെടുന്നത്. സിനിമയില് അവസരം തേടിയെത്തിയ യുവാവിന് ഹോട്ടലില് വച്ച് ഫോണ് നമ്പര് കൈമാറിയ രഞ്ജിത്ത് പിന്നീട് ബംഗളുരുവില് വച്ച് യുവാവിനെ പീഡനത്തിന് ഇരയാക്കുകയായിരുന്നു. ഇയാളുടെ നഗ്ന ദൃശ്യങ്ങള് നടി രേവതിക്ക് അയച്ചുനല്കിയെന്നും യുവാവ് ആരോപിച്ചിരുന്നു.
