ഇന്ത്യന് ഹോക്കി താരം പി.ആർ.ശ്രീജേഷിന് ഐഎഎസ് നൽകണമെന്ന് ആവശ്യവുമായി കേരള ഒളിംപിക്സ് അസോസിയേഷൻ. ഈ ആവശ്യം ഉന്നയിച്ച് മുഖ്യമന്ത്രി പിണറായി വിജയനു കത്തു നൽകി. Kerala Olympics Association demanded that Sreejesh be given IAS
ഇന്ത്യയ്ക്ക് ഒളിപിക്സില് വെങ്കലം മെഡല് നേടിക്കൊടുത്ത് വിരമിക്കല് പ്രഖ്യാപനം കഴിഞ്ഞയുടന് തന്നെയാണ് ഒളിംപിക്സ് അസോസിയേഷൻ രംഗത്തുവരുന്നത്. നിലവില് പൊതുവിദ്യാഭ്യാസ വകുപ്പിൽ ജോയിന്റ് ഡയറക്ടറാണ് ശ്രീജേഷ്.
“ലോകത്തിലെ തന്നെ ഹോക്കി ഇതിഹാസമായാണ് ശ്രീജേഷ് വിരമിക്കുന്നത്. കേരളത്തിന്റെ കായിക രംഗത്തിനൊന്നാകെ പ്രചോദനമായ ശ്രീജേഷിന് ഐഎഎസ് പദവി നൽകി കേരള സർക്കാർ ആദരിക്കണം.’’– ഒളിംപിക്സ് അസോസിയേഷൻ മുഖ്യമന്ത്രിക്ക് നൽകിയ കത്തിൽ പറയുന്നു.
അതേസമയം ശ്രീജേഷിനെ ഇന്ത്യയുടെ ഹോക്കി ജൂനിയര് ടീം മുഖ്യ പരിശീലകനായി പ്രഖ്യാപിച്ചിട്ടുണ്ട്. ഹോക്കി ഇന്ത്യയാണ് പ്രഖ്യാപനം നടത്തിയത്
