കൊച്ചി: വനിതാ ജഡ്ജിയോടു മോശമായി പെരുമാറിയ 28 അഭിഭാഷകർ സൗജന്യ നിയമസേവനം ചെയ്യണമെന്ന് ഹൈക്കോടതി.HC orders 28 lawyers who misbehaved with a woman judge to render free legal services
കോട്ടയം സിജെഎം കോടതിയിലെ വനിതാ ജഡ്ജിയോട് മോശമായി പെരുമാറിയ അഭിഭാഷകരോടാണ് ഹൈക്കോടതി സൗജന്യ നിയമസേവനം ചെയ്യണമെന്ന് ഉത്തരവിട്ടത്. ജില്ലാ ലീഗൽ സർവീസസ് അതോറിറ്റിയുമായി ചേർന്നാണ് ഇവർ സൗജന്യ നിയമ സേവനം ചെയ്യേണ്ടത്.
2023 നവംബർ 23ന് ഒരുകൂട്ടം അഭിഭാഷകർ കോടതി മുറിയിലും പുറത്തും മുദ്രാവാക്യം വിളിക്കുകയും ജഡ്ജിയെ അധിക്ഷേപിക്കുകയും ചെയ്തുവെന്നാണ് പരാതി.
ഹൈക്കോടതി സ്വമേധയാ എടുത്ത കോടതിയലക്ഷ്യ ഹർജിയിലാണു ജസ്റ്റിസ് പി.ബി.സുരേഷ് കുമാർ, ജസ്റ്റിസ് സി.പ്രദീപ് കുമാർ എന്നിവരുൾപ്പെട്ട ഡിവിഷൻ ബെഞ്ചിന്റെ നിർദേശം. കോടതി നടപടി തടസ്സപ്പെടുത്തിയതു നീതിനിർവഹണത്തിലുള്ള ഇടപെടലാണെന്നു ബെഞ്ച് വിലയിരുത്തി.
