ഇടുക്കി: സംസ്ഥാനത്ത് മഴ കനക്കുന്ന സാഹചര്യത്തിൽ ഇടുക്കി ജില്ലയിൽ രാത്രികാല യാത്രയ്ക്ക് നിരോധനം ഏർപ്പെടുത്തി. രാത്രി 7 മുതൽ രാവിലെ 6 മണി വരെയാണ് നിരോധനം ഏർപ്പെടുത്തിയത്. ഗ്യാപ്പ് റോഡിലൂടെയുള്ള യാത്രാ നിരോധനത്തിൽ പ്രത്യേക ശ്രദ്ധ ചെലുത്താൻ ജില്ലാ പൊലീസ് മേധാവിക്ക് നിർദ്ദേശം ലഭിച്ചു.(Heavy rain night ravel restriction in idukki)
മഴ മുന്നറിയിപ്പിന്റെ പശ്ചാത്തലത്തിൽ കല്ലാര്കുട്ടി അണക്കെട്ട് തുറക്കാൻ ജില്ലാ ഭരണകൂടം അനുമതി നൽകിയിട്ടുണ്ട്. കനത്ത മഴ തുടരുന്ന സാഹചര്യത്തിൽ മുതിരപ്പുഴ പെരിയാർ തീരദേശവാസികൾക്ക് ജാഗ്രത നിർദേശം നൽകി.
അതേസമയം സംസ്ഥാനത്ത് വിവിധ ജില്ലകളില് കനത്ത മഴ തുടരുകയാണ്. മഴയില് വിവിധ ജില്ലകളില് വ്യാപക നാശമാണ് റിപ്പോര്ട്ട് ചെയ്യുന്നത്. കനത്ത മഴയില് ഭാരതപ്പുഴയില് ജലനിരപ്പ് ഉയർന്നു. തുടര്ന്ന് തൃത്താല വെള്ളിയാങ്കല്ല് റെഗുലേറ്ററിലെ 21 ഷട്ടറുകള് ഉയര്ത്തി. എല്ലാ ജില്ലകളിലും മഴ മുന്നറിയിപ്പുണ്ട്. ഇനി അടുത്ത അഞ്ച് ദിവസം ശക്തമായ മഴ തുടരാനാണ് സാധ്യതയെന്ന് കാലാവസ്ഥ വകുപ്പ് മുന്നറിയിപ്പ് നൽകി.
Read Also: മഴയ്ക്കൊപ്പം അപ്രതീക്ഷിത കാറ്റ്; കോട്ടയം ജില്ലയിൽ കനത്ത നാശനഷ്ടം; മരങ്ങൾ കടപുഴകിവീണു: വീഡിയോ
