കൽപ്പറ്റ: വയനാട് തിരുനെല്ലിയിൽ വിനോദ സഞ്ചാരത്തിനെത്തിയ വിദേശ വനിതയെ സ്വകാര്യ റിസോർട്ട് ജീവനക്കാരൻ പീഡിപ്പിച്ചതായി പരാതി. നെതർലൻഡ് സ്വദേശിയായ യുവതിയാണ് പരാതി നൽകിയത്. തിരുനെല്ലി ക്ലോവ് റിസോർട്ടിലെ ജീവനക്കാരൻ ലൈംഗികാതിക്രമം നടത്തിയെന്ന പരാതിയിൽ പൊലീസ് കേസെടുത്തു.(Foreign woman complaint against resort employee)

എന്നാൽ എഡിജിപിക്ക് യുവതി ഇ-മെയിലായി പരാതി നൽകിയിട്ട് ഒരാഴ്ചയായെങ്കിലും പ്രതിയെ ഇതുവരെ പിടികൂടാൻ പോലീസിന് കഴിഞ്ഞിട്ടില്ല. വയനാട് സന്ദർശിക്കാനായി എത്തിയ നെതർലൻഡ് സ്വദേശിയായ ഇരുപത്തിയഞ്ചുകാരിക്ക് നേരെയാണ് അതിക്രമം നടന്നത്. തിരുമ്മൽ ചികിത്സയ്ക്കിടെ ലൈംഗിക ബന്ധത്തിന് ആവശ്യപ്പെട്ടതായും ലൈംഗികാതിക്രമം നടത്തിയെന്നും പരാതിയിൽ പറയുന്നു. ഉന്നത ഉദ്യോഗസ്ഥന് പരാതി നൽകി ഒരാഴ്ചയായിട്ടും പൊലീസ് അലംഭാവം കാണിക്കുന്നതായും ആരോപണം ഉയർന്നിട്ടുണ്ട്.

കഴിഞ്ഞ ഡിസംബറിലാണ് ഓൺലൈൻ ബുക്കിങ് വഴി തിരുനെല്ലിയിലെ ക്ലോവ് റിസോർട്ടിൽ യുവതി എത്തിയത്. ലൈംഗികാതിക്രമത്തിനെതിരെ ഇന്ത്യയിൽ പരാതി നൽകേണ്ടത് എങ്ങനെയാണെന്ന് ഇവർക്ക് അറിയില്ലായിരുന്നു. തുടർന്ന് നാട്ടിലെത്തിയതിന് ശേഷം കഴിഞ്ഞ പതിനാലാം തീയതിയാണ് യുവതി എഡിജിപിക്ക് ഇ-മെയിലൂടെ പരാതി നൽകിയത്.

Read Also: ഇങ്ങനെ ജീവിക്കാൻ വയ്യ ; ഈ രാജ്യത്തെ യുവാക്കൾ ‘പക്ഷി’കളായി മാറുന്നു !

Read Also: ഒന്നുറങ്ങി എണീറ്റപ്പോൾ മുജാഹിദ് എന്ന യുവാവ് പെണ്ണായി മാറി ! കൊടും ചതി നടത്തിയത് ഉറ്റ സുഹൃത്ത്

Read Also: ആദ്യം വിറച്ചു, പിന്നെ മെസിപ്പട രണ്ടടിച്ചു; കാനഡ തരിപ്പണം; കോപ്പ അമേരിക്കയില്‍ അർജന്റീനയ്ക്ക് വിജയത്തുടക്കം