ബോളിവുഡിൽ നിന്ന് മറ്റൊരു താരവിവാഹ വാർത്ത പുറത്തുവരികയാണ്. നടി സൊനാക്ഷി സിൻഹയും നടൻ സഹീർ ഇക്ബാലും തമ്മിലുള്ള വിവാഹം ഈ മാസം നടക്കുമെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. ജൂൺ 23 ന് ഇരുവരും മുംബൈയിൽ വച്ച് വിവാഹിതരാകുമെന്നാണ് റിപ്പോർട്ടുകൾ .
ഇരുവരും ഏറെ നാളുകളായി പ്രണയത്തിലാണ്. എന്നാൽ താരങ്ങൾ ഇക്കാര്യത്തിൽ ഇതുവരെ പരസ്യ പ്രതികരണമൊന്നും നടത്തിയിട്ടില്ല. തങ്ങൾ നല്ല സുഹൃത്തുക്കളാണെന്നായിരുന്നു ഇരുവരും പറഞ്ഞിരുന്നത്. അടുത്തിടെ സൊനാക്ഷിയുടെ പിറന്നാൾ ദിനത്തിൽ സഹീർ ആശംസയറിയിച്ചിരുന്നു.
സൽമാൻ ഖാന്റെ ചിത്രങ്ങളിലൂടെയാണ് ഇരുവരും സിനിമയിൽ അരങ്ങേറുന്നത്. 2010 ൽ ദബാങ് എന്ന ചിത്രത്തിലൂടെ സൽമാന്റെ നായികയായാണ് സൊനാക്ഷിയുടെ ബോളിവുഡിലേക്കുള്ള വരവ്. സൽമാൻ ഖാൻ നിർമ്മിച്ച് 2019 ൽ പുറത്തിറങ്ങിയ നോട്ട്ബുക്ക് എന്ന ചിത്രത്തിലൂടെയാണ് സഹീർ സിനിമയിൽ അരങ്ങേറുന്നത്.
ഡബിൾ എക്സൽ എന്ന ചിത്രത്തിൽ സഹീറും സൊനാക്ഷിയും ഒന്നിച്ച് അഭിനയിക്കുകയും ചെയ്തിരുന്നു. സഞ്ജയ് ലീല ബൻസാലിയുടെ ഹീരമാണ്ഡി എന്ന വെബ് സീരിസാണ് സൊനാക്ഷിയുടേതായി ഒടുവിൽ പുറത്തിറങ്ങിയത്.
Read More: മോദി 3 .0: പിഎംഎവൈ-ജി വഴി ഇത്തവണ രണ്ട് കോടി അധിക വീടുകള്‍ക്ക് സാധ്യത
Read More: അട്ടപ്പാടിയില്‍ കാട്ടാന ആക്രമണം; ആദിവാസി യുവാവിന് പരിക്ക്
Read More: ‘ഏകീകൃത കുർബാന അർപ്പിക്കാത്ത വൈദികർ സഭയ്ക്ക് പുറത്ത്’; കടുത്ത നടപടിയുമായി സിറോ മലബാർ സഭ
