വയനാട്ടിലേക്ക് ഇല്ലെന്ന് തീർത്ത് പറഞ്ഞു കെ മുരളീധരന്. കോണ്ഗ്രസിന് ഒരുപാട് നേതാക്കള് ഉണ്ടെന്നും പൊതുരംഗത്ത് നിന്ന് മാറി നില്ക്കാനുള്ള തീരുമാനത്തില് മാറ്റമില്ലെന്നും അദ്ദേഹം പറഞ്ഞു. ലോക്കല് ബോഡി ഇലക്ഷനില് സജീവമായി ഉണ്ടാകും. ഇപ്പോള് ഒരു തെരഞ്ഞെടുപ്പില് മത്സരിക്കാനുള്ള മൂഡ് ഇല്ലെന്നും രാജ്യസഭയിലേക്ക് ഒരുതരത്തിലും പോകില്ലെന്നും അദ്ദേഹം കൂട്ടിച്ചേർത്തു. (K Muraleedharan says no to wayanad and to Rajya Sabha seat)
തൃശൂര് ലോക്സഭാ മണ്ഡലത്തിലെ തോല്വിയെ ചൊല്ലിയുള്ള തമ്മലടി അവസാനിപ്പിക്കണമെന്ന് കെ മുരളീധരന് ആവശ്യപ്പെട്ടു. പ്രവര്ത്തകര് ഒറ്റക്കെട്ടായി മുന്നോട്ടുപോകണം. അടിയും പോസ്റ്റര് യുദ്ധവും നല്ലതല്ലെന്നും തോല്വി അന്വേഷിക്കാന് കമ്മീഷനെ വച്ചാല് അത് കൂടുതല് പ്രശ്നങ്ങളുണ്ടാക്കുമെന്നും മുരളീധരന് പറഞ്ഞു.
പ്രതികരിക്കേണ്ട സമയത്തേ പ്രതികരിക്കാവൂ. എപ്പോഴും പ്രതികരിക്കരുത്. അപ്രതീക്ഷിതമായ തോല്വിയുണ്ടായാല് പ്രവര്ത്തകരില് ചില വികാരങ്ങള് ഉണ്ടാകും. അവിടെ കണ്ടത് തോറ്റതിന്റെ വികാര പ്രകടനനമാണ്. അതിനെ ആ രീതിയില് മാത്രം കണ്ടാല് മതി. അടിയും പോസ്റ്റര് യുദ്ധവും പാര്ട്ടിക്ക് നല്ലതല്ല. താന് മാറിനില്ക്കുന്നത് പാര്ട്ടിയെ ബാധിക്കില്ലെന്നും മുരളീധരന് പറഞ്ഞു.
ബിജെപിയില് പോകുന്നതിനെക്കാള് നല്ലത് വീട്ടിലിരിക്കന്നതാണെന്നും ഇത്രയും സഹായിച്ച പാര്ട്ടിയെ തള്ളിപ്പറയുന്നത് മുരളീധരന്റെ ജീവിതത്തില് ഉണ്ടാകില്ലെന്നും അദ്ദേഹം കോഴിക്കോട് മാധ്യമങ്ങളോട് പറഞ്ഞു.
Read More: ‘പാർട്ടി മാറുന്നു എന്നത് ഗോസിപ്പ് മാത്രം’; ഇടതുമുന്നണിക്കൊപ്പം ഉറച്ചു നിൽക്കുമെന്ന് ജോസ് കെ മാണി
Read More: രോഗിയെ മർദിച്ചതിനെ ചൊല്ലി തർക്കം; തിരുവനന്തപുരം മെഡിക്കൽ കോളജിൽ സെക്യൂരിറ്റി ജീവനക്കാർ തമ്മിലടിച്ചു
