ജൂൺ മാസത്തിലേക്ക് കടക്കുന്നതോടെ നടപ്പ് സാമ്പത്തിക വർഷത്തിലെ (2024 ഏപ്രിൽ – 2025 മാർച്ച്) ആദ്യ പാദത്തിന് തിരശീല വീഴും. ആദായ നികുതി സമർപ്പണം ഉൾപ്പെടെയുള്ള നിരവധി പ്രധാനപ്പെട്ട സാമ്പത്തിക കാര്യങ്ങളൊക്കെ നിർവഹിക്കാൻ ശ്രദ്ധിക്കേണ്ട മാസമാണ് കടന്നുവരുന്നത്. അതിനാൽ തന്നെ ബാങ്കിങ് ഇടപാടുകളൊക്ക തടസ്സപ്പെടാതെ നോക്കേണ്ടതും അനിവാര്യമാണ്. ഈയൊരു പശ്ചാത്തലത്തിൽ 2024 ജൂൺ മാസക്കാലയളവിൽ കേരളത്തിൽ പ്രവർത്തിക്കുന്ന ബാങ്കുകൾക്ക് ബാധകമാകുന്ന അവധികളെ കുറിച്ച് അറിഞ്ഞിരിക്കുന്നത് ഏവർക്കും ഉപകാരപ്രദമാണ്.
വിവിധ സംസ്ഥാനങ്ങളിലെ പ്രാദേശിക അവധിയടക്കം രാജ്യത്തെ ബാങ്കുകൾ പത്ത് ദിവസമാണ് ജൂണിൽ അടഞ്ഞ് കിടക്കുക. രണ്ടാം ശനിയാഴ്ചയും നാലാം ശനിയാഴ്ചയും ഞായറാഴ്ച അവധിയും അടക്കമാണിത്. അഞ്ച് ഞായറാഴ്ചകളാണ് ജൂൺ മാസത്തിൽ ഉളളത്. വാരാന്ത്യ അവധിയടക്കം എട്ട് ദിവസമാണ് കേരളത്തിലെ ബാങ്കുകൾക്ക് അവധി.
ജൂൺ എട്ടിന് രണ്ടാം ശനിയാഴ്ചയും 22 ന് നാലാം ശനിയാഴ്ചയും കേരളത്തിൽ ബാങ്ക് അവധിയാണ്. ഞായറാഴ്ചയിലെ ബാങ്ക് അവധി 2, 9, 16, 23, 30 എന്നീ തീയതികളിലാണ്. ഇതു കൂടാതെ ജൂൺ 17 ന് ഈദുൽ ഫിത്തർ പ്രമാണിച്ച് കേരളത്തിൽ ബാങ്കുകൾ അവധി ആയിരിക്കും. ജൂൺ 15 ന് ശനിയാഴ്ച ബാങ്ക് അടച്ചാൽ 18 ന് ബുധനാഴ്ച ആയിരിക്കും ബാങ്കുകൾ തുറന്ന് പ്രവർത്തിക്കുക.
ബാങ്ക് അവധികളും വാരാന്ത്യങ്ങളും പരിഗണിക്കാതെ ഓൺലൈൻ ബാങ്കിംഗ് സേവനം ഉപഭോക്താക്കൾക്ക് ഉപയോഗപ്പെടുത്താം. അടിയന്തര ഇടപാടുകൾക്ക് ബാങ്കുകളുടെ വെബ്‌സൈറ്റുകളോ മൊബൈൽ ആപ്പുകളോ എടിഎമ്മുകളോ ഉപയോഗിക്കാം. ബാങ്കിൽ നിന്ന് നേരിട്ടുള്ള സേവനങ്ങളാണെങ്കിൽ അവധി കലണ്ടർ അനുസരിച്ച് ക്രമീകരിക്കണം.
