ഇന്ന് മോഹൻലാലിന്റെ 64 മത് ജന്മദിനമായിരുന്നു. വെള്ളിത്തിരയിൽ തൊട്ടതെല്ലാം പൊന്നാക്കിയ നടന്ന വിസ്മയത്തിന് നിരവധി പ്രമുഖരാണ് പിറന്നാൾ ആശംസകൾ നേർന്നത്. സിനിമ രംഗത്തെയും സാംസ്കാരിക രംഗത്തെയും നിരവധി ആളുകൾ മോഹൻലാലിന് ആശംസകൾ നേർന്നു. വിവിധ ഫാൻ അസോസിയേഷനുകൾ വഴി ആരാധകരും തങ്ങളുടെ പ്രിയ താരത്തിന് ആശംസകൾ നേർന്നു. ഇപ്പോൾ പ്രിയപ്പെട്ടവരുടെ ആശംസകൾക്ക് സ്നേഹപൂർവ്വമായ മറുപടി നൽകിയിരിക്കുകയാണ് താരം.
താരത്തിന്റെ മറുപടി ഇങ്ങനെ:
‘ഓരോ ജന്മദിനവും എന്നെ ചുറ്റിപ്പറ്റിയുള്ള സ്നേഹത്തിൻ്റെയും ഊഷ്മളതയുടെയും മനോഹരമായ ഓർമ്മപ്പെടുത്തലാണ്. നിങ്ങളുടെ ആശംസകൾക്കും എൻ്റെ യാത്രയുടെ മനോഹരമായ ഭാഗമായതിനും എല്ലാവർക്കും നന്ദി’. മോഹൻലാൽ സമൂഹ മാധ്യമത്തിൽ കുറിച്ചു.
