ഇന്ത്യയില് നിന്നും ആളുകളെ വിദേശത്തേക്ക് കടത്തി അവയവക്കച്ചവടം നടത്തിയിരുന്ന ഏജന്റ് പിടിയില്. തൃശൂര് വലപ്പാട് സ്വദേശി സബിത്ത് നാസറാണ് കൊച്ചിയില് പിടിയിലായത്. ഇയാളുടെ ഫോണില് നിന്നും അവയവക്കച്ചവടത്തിന്റെ വിവരങ്ങള് പൊലീസിന് ലഭിച്ചതായാണ് റിപ്പോര്ട്ട്.
ഇറാനിലെ ആശുപത്രിയിലാണ് അവയവ ശസ്ത്രക്രിയ നടത്തിയിരുന്നതെന്നാണ് കണ്ടെത്തല്. വിദേശത്ത് നിന്നും മടങ്ങി വരുന്ന വഴി നെടുമ്പാശ്ശേരി വിമാനത്താവളത്തില് വെച്ച് പൊലീസാണ് ഇയാളെ കസ്റ്റഡിയിലെടുത്തത്. ഇയാളെ ചോദ്യം ചെയ്തു വരികയാണ്.
ആദ്യം കുവൈറ്റിലെത്തിക്കുകയും അവിടെ നിന്നും ഇറാനിലെത്തിച്ച് അവിടെ ആശുപത്രിയില് ശസ്ത്രക്രിയ നടത്തി വരികയായിരുന്നു എന്നാണ് പൊലീസ് സൂചിപ്പിക്കുന്നത്. അന്താരാഷ്ട്ര കച്ചവട റാക്കറ്റിന്റെ ഒരു ഏജന്റാണ് സബിത്ത് എന്നും പൊലീസ് പറയുന്നുണ്ട്.
Read More: ഇ-പാസില് കൈപൊള്ളി ഊട്ടിയും കൊടൈക്കനാലും; പ്രതിസന്ധിയെന്ന് വ്യാപാരികൾ
