സംസ്ഥാനത്ത് വീണ്ടും പക്ഷിപ്പനി സ്ഥിരീകരിച്ചു. പത്തനംതിട്ട ജില്ലയിലെ തിരുവല്ല നിരണത്തെ സര്ക്കാര് താറാവ് വളര്ത്തല് കേന്ദ്രത്തിലാണ് പക്ഷിപ്പനി സ്ഥിരീകരിച്ചത്. കഴിഞ്ഞാഴ്ചയാണ് ഇവിടെ താറാവുകള് കൂട്ടത്തോടെ ചത്തത്. വൈറോളജി ഇന്സ്റ്റിറ്റ്യൂട്ടില് നടത്തിയ പരിശോധനയിലാണ് പക്ഷിപ്പനി സ്ഥിരീകരിച്ചത്. പഞ്ചായത്തില് പ്രതിരോധ നടപടികള് തുടങ്ങി. നാളെ കലക്ടറുടെ നേതൃത്വത്തില് അവലോകന യോഗം ചേര്ന്ന് കള്ളിംഗ് അടക്കം തുടര്നടപടി സ്വീകരിക്കും.
കഴിഞ്ഞ ദിവസം ആലപ്പുഴ തഴക്കരയിലും പക്ഷിപ്പനി സ്ഥിരീകരിച്ചിരുന്നു. തഴക്കര ഗ്രാമപഞ്ചായത്തിലെ വെട്ടിയാര് പെരുവേലില് ചാല് പുഞ്ചയില് തീറ്റക്കായി കൊണ്ടുവന്ന താറാവ് കൂട്ടത്തിനാണ് രോഗം ബാധിച്ചത്. 70 ദിവസം പ്രായമുള്ള 10,000 താറാവുകള് ആണ് അവിടെ ഉണ്ടായിരുന്നത്. അതില് 3000 എണ്ണം ചത്തു. തിരുവല്ല മഞ്ഞാടി ലാബില് നടത്തിയ പരിശോധനയിലാണ് രോഗബാധ അറിഞ്ഞത്.
Read More: എംഎല്എമാര്ക്ക് അഭിനന്ദനം; പത്ത് ഗ്യാരന്റിയുമായി അരവിന്ദ് കെജ്രിവാള്
