എന് എന് സി ലാവ്ലിന് കേസ് അന്തിമവാദത്തിനായി സുപ്രീം കോടതി ബുധനാഴ്ചത്തേക്ക് വീണ്ടും ലിസ്റ്റ് ചെയ്തു. ജസ്റ്റീസുമാരായ സൂര്യകാന്ത്, കെ വി വിശ്വനാഥ് എന്നിവരുടെ ബെഞ്ചില് 112 ആം കേസായിട്ടാണ് ലാവ്ലിന് വീണ്ടും ലിസ്റ്റ് ചെയ്തിരിക്കുന്നത്. അതേസമയം കഴിഞ്ഞാഴ്ച സമാനമായി രണ്ടു ദിവസം ലിസ്റ്റ് ചെയ്തിരുന്നെങ്കിലും മറ്റു കേസുകളുടെ വാദം നീണ്ടു പോയതിനാല് പരിഗണിച്ചിരുന്നില്ല.
കേസുകള് മാറ്റിവെച്ചതും കോടതിക്ക് മുന്പില് വന്നതും ഉള്പ്പടെ 40 തവണയാണ് കേസ് ഇതുവരെ ലിസ്റ്റ് ചെയ്തിട്ടുള്ളത്. എന്നാൽ മുഖ്യമന്ത്രി പിണറായി വിജയൻ, മുൻ ഊർജ സെക്രട്ടറി കെ മോഹനചന്ദ്രൻ, മുൻ ഊർജ ജോയിന്റ് സെക്രട്ടറി എ ഫ്രാൻസിസ് എന്നിവരെ വിചാരണ കൂടാതെ കുറ്റവിമുക്തരാക്കിയ സിബിഐ കോടതിവിധി 2017– ൽ ഹൈക്കോടതി ശരിവച്ചിരുന്നു. ഇതിനെതിരായ സിബിഐയുടെ അപ്പീലാണ് പ്രധാനമായും ഇപ്പോൾ സുപ്രീം കോടതിയിലുള്ളത്.
Read More: ഓസ്ട്രേലിയയിൽ കത്തിയാക്രമണം; കൗമാരക്കാരനെ പോലീസ് വെടിവെച്ചുകൊന്നു
Read More: കൊച്ചിയിലെ നവജാതശിശുവിന്റെ കൊലപാതകം, ഡിഎന്എ ശേഖരിച്ച് പൊലീസ്
