കൊച്ചി: നടിയെ ആക്രമിച്ച കേസില് നീതി തേടി വീണ്ടും ഹൈക്കോടതിയെ സമീപിച്ച് അതിജീവിത. മെമ്മറി കാര്ഡ് നിയമ വിരുദ്ധമായി ഉപയോഗിച്ച സംഭവത്തിലാണ് ഹര്ജി. അന്വേഷണ റിപ്പോര്ട്ടിലെ മൊഴിപ്പകര്പ്പ് വേണമെന്ന് അതിജീവിത ഹര്ജിയില് ആവശ്യപ്പെടുന്നു. അപേക്ഷ വിചാരണ കോടതി തള്ളിയതോടെയാണ് ഹൈക്കോടതിയെ സമീപിച്ചത്.
പ്രതി ദിലീപിനെ എതിര്കക്ഷി സ്ഥാനത്ത് നിന്നും മാറ്റണമെന്നും ഹര്ജിയില് ആവശ്യമുണ്ട്. തനിക്ക് ലഭിക്കേണ്ട നിയമപരമായ അവകാശത്തെ ദിലിപ് എതിര്ക്കുന്നുവെന്നും മെമ്മറി കാര്ഡ് അന്വേഷണത്തില് ദിലീപ് കക്ഷി ആകേണ്ടതില്ലെന്നും അതിജീവിത പറയുന്നു.
