സംസ്ഥാനത്ത് ക്ഷേമ പെൻഷൻ വിതരണം ഇന്ന് മുതൽ. ലോക്സഭാ തിരഞ്ഞെടുപ്പ് അടുത്തുനില്ക്കേയാണ് വിതരണം നടത്തുന്നത്. രണ്ടു ഗഡുക്കളാണ് ഇന്ന് മുതൽ വിതരണം ചെയ്യുന്നത്. റമദാൻ വിഷു ആഘോഷത്തിന് മുന്നോടിയായാണ് പെൻഷൻ വിതരണം. 3200 രൂപ വീതമാണ് ലഭിക്കുന്നത്. റമദാൻ-വിഷു ആഘോഷങ്ങള്ക്ക് മുൻപായി ആളുകളുടെ കൈയില് പണമെത്തിക്കുമെന്നാണ് സർക്കാർ പറയുന്നത്.
ക്ഷേമ പെന്ഷന് വൈകുന്നത് സംബന്ധിച്ച് ഒട്ടേറെ വിമര്ശനങ്ങള് സര്ക്കാരിനെതിരെ ഉയര്ന്നിരുന്നു. ആറുമാസത്തെ ക്ഷേമ പെന്ഷനായിരുന്നു കുടിശിക ഉണ്ടായിരുന്നത്. രണ്ടു മാസത്തെ തുക വിതരണം ചെയ്യുന്നതോടെ നാല് മാസത്തെ കുടിശിക അവശേഷിക്കും. 62 ലക്ഷം ഗുണഭോക്താക്കളില് മസ്റ്ററിങ് നടത്തിയ മുഴുവന് പേര്ക്കും തുക ലഭിക്കും.
നേരത്തെ നിരവധി പ്രഖ്യാപനങ്ങളും സർക്കാർ നടത്തിയിരുന്നു. സർക്കാർ ജീവനക്കാർക്ക് 2024-25 വർഷത്തെ ലീവ് സറണ്ടർ അനുവദിച്ചുകൊണ്ടുള്ള ഉത്തരവായിരുന്നു അതിലേറ്റവും ഒടുവിലത്തേത്. ലാസ്റ്റ് ഗ്രേഡ് ജീവനക്കാർക്കും ജിപിഎഫ് ഇല്ലാത്ത ജീവനക്കാർക്കും ആനുകൂല്യം പണമായി നല്കാനും മറ്റുള്ളവർക്ക് പി എഫില് ലയിപ്പിക്കാനും സർക്കാർ തീരുമാനിച്ചിട്ടുണ്ട്.
