ലോക് സഭാ ഇലക്ഷൻ സ്പെഷ്യൽ ഡ്രൈവിൻ്റെ ഭാഗമായി ഉടുമ്പഞ്ചോല എക്സൈസ് റേഞ്ച് സംഘം നടത്തിയ റെയ്ഡിൽ കമ്പംമെട്ട് അച്ചക്കടയിൽ ചാരായവും വാറ്റുപകരണങ്ങളും പിടികൂടി ഒരാളെ അറസ്റ്റ് ചെയ്തു.. അച്ചക്കട കരയിൽ താമസിക്കുന്ന മന്ത്രക്കുടിയിൽ വീട്ടിൽ ദിലീപ് കുമാർ (36)യാണ് പിടിയിലായത്. ഇയാളുടെ പക്കൽ നിന്ന് അഞ്ച് ലിറ്റർ ചാരായവും വാറ്റുപകരണങ്ങളും കണ്ടെടുത്തു.
അസിസ്റ്റൻ്റ് എക്സൈസ് ഇൻസ്പെക്ടർ (ഗ്രേഡ്) പി. ജി. രാധാകൃഷ്ണൻ ,പ്രിവൻ്റീവ് ഓഫീസർ (ഗ്രേഡ്) മാരായ ഷനേജ് കെ ., നൗഷാദ് എം ., സിവിൽ എക്സൈസ് ഓഫീസർ സോണി തോമസ്, വനിത സിവിൽ എക്സൈസ് ഓഫീസർ രേഖ ജി., ഡ്രൈവർ ബിലേഷ് വി.പി. എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
