ഓടികൊണ്ടിരുന്ന ബസ് മൂടുന്ന വിധം പുക; യാത്രക്കാരും ജീവനക്കാരും ബസിൽ നിന്നും ഇറങ്ങിയോടി; സംഭവം പാലക്കാട്

പാലക്കാട്: ചിറ്റൂർ കമ്പിളിചുങ്കത്ത് ഓടിക്കൊണ്ടിരുന്ന ബസിൽ നിന്നും പുക ഉയർന്നു. ചിറ്റൂരിൽ നിന്നും കൊഴിഞ്ഞാമ്പാറ ഭാഗത്തേക്ക് പോവുകയായിരുന്ന സ്വകാര്യ ബസിൽ നിന്നുമാണ് വലിയ തോതിൽ പുക ഉയർന്നത്. ബസിനെ ഒന്നാകെ മൂടുന്ന നിലയിലാണ് പുക ഉയർന്നത്. യാത്രക്കാരും ജീവനക്കാരും ബസിൽ നിന്നും ഇറങ്ങിയോടി. തുടർന്ന് നടത്തിയ പരിശോധനയിൽ എഞ്ചിനിൽ ഉണ്ടായ സാങ്കേതി തകരാർ മൂലമാണ് പുക ഉയർന്നതെന്ന് ജീവനക്കാർ വ്യക്തമാക്കി.