ഇസ്രയേലിൽ തിങ്കളാഴ്ചയുണ്ടായ മിസൈല് ആക്രമണത്തിൽ കൊല്ലപ്പെട്ടെ മലയാളി യുവാവ് പാറ്റ് നിബിൻ മാക്സ്വെല്ലിന്റെ ഭൗതികശരീരം നാട്ടിലെത്തിച്ചു. ഇന്ന് വൈകിട്ട് ആറരയോടെയാണ് ഭൗതികശരീരം തിരുവനന്തപുരം വിമാനത്താവളത്തിലെത്തിച്ചത്.. കേന്ദ്ര വിദേശകാര്യ സഹമന്ത്രി വി മുരളീധരനും നോർക്ക പ്രതിനിധികളും ചേർന്ന് ഇസ്രയേൽ കോൺസുൽ ജനറൽ ടാമി ബെൻ- ഹൈം മിൽ നിന്ന് വാങ്ങി ബന്ധുക്കൾക്ക് വിട്ടു നൽകി. കേന്ദ്ര വിദേശകാര്യ മന്ത്രി വി മുരളീധരൻ, നോർക്ക പ്രതിനിധികൾ, ഇസ്രയേൽ കോൺസുലേറ്റ് ജനറൽ എന്നിവർ പുഷ്പചക്രം അർപ്പിച്ചു.
വടക്കൻ ഇസ്രായേലിലെ കാര്ഷിക ഫാമിൽ ജോലി ചെയ്തിരുന്ന നിബിൻ മാക്സ്വെല്ല് തിങ്കളാഴ്ചയുണ്ടായ മിസൈല് ആക്രമണത്തിലാണ് കൊല്ലപ്പെട്ടത്. നിബിൻ മാക്സ്വെല്ലിന്റെ ഭൗതികശരീരംനടപടിക്രമങ്ങൾ പൂർത്തിയാക്കി ഭൗതികശരീരം വേഗം നാട്ടിലെത്തിച്ച ഇസ്രയേൽ സർക്കാരിന് മന്ത്രി നന്ദി അറിയിച്ചു. നിബിന്റെ ശരീരം ബന്ധുക്കൾ ഏറ്റുവാങ്ങി സ്വദേശമായ കൊല്ലത്തെ വാടിയിലേക്ക് കൊണ്ടുപോയി. സംസ്കാരം നാളെ നടത്തും.
