‘എത്രയും വേഗം സുരക്ഷിത സ്ഥലങ്ങളിലേക്ക് മാറുക’: ഇസ്രായേലിലെ ഇന്ത്യൻ പൗരന്മാർക്ക് ജാഗ്രതാ മുന്നറിയിപ്പ്

മിസൈൽ ആക്രമണത്തിൽ ഒരു മലയാളി കൊല്ലപ്പെടുകയും രണ്ടുപേർക്ക് പരിക്കേൽക്കുകയും ചെയ്ത സാഹചര്യത്തിൽ ഇസ്രായേലിലുള്ള ഇന്ത്യൻ പൗരന്മാർക്ക് മുന്നറിയിപ്പ് നൽകി ഇന്ത്യൻ എംബസി. ഇന്ത്യക്കാർ സുരക്ഷിത സ്ഥലങ്ങളിലേക്ക് മാറണമെന്ന് നിർദ്ദേശം നൽകിയിട്ടുണ്ട്. പ്രാദേശിക സുരക്ഷാ നിർദ്ദേശങ്ങളും സുരക്ഷാ സാഹചര്യങ്ങളും അനുസരിച്ച് പൗരന്മാർ പെരുമാറണമെന്നും എംബസി നിർദ്ദേശം നൽകി. എല്ലാ ഇന്ത്യൻ പൗരന്മാരുടെയും സുരക്ഷ ഉറപ്പാക്കുമെന്ന് ഇസ്രായേൽ ഉറപ്പുനൽകിയതായും സന്ദേശത്തിൽ പറയുന്നു. തിങ്കളാഴ്ച പ്രാദേശികസമയം രാവിലെ 11 മണിയോടെയാണ് കൊല്ലം സ്വദേശി നിബിൻ ഇസ്രായേലിൽ മിസൈൽ അക്രമണത്തിൽ കൊല്ലപ്പെട്ടത്.

Read Also: ”ഇനിയാരാണ് എന്നെ ഉമ്മ എന്ന് വിളിക്കുക” ? ഇസ്രായേൽ ആക്രമണത്തിൽ 10 വർഷം കാത്തിരുന്നുണ്ടായ ഇരട്ടക്കുഞ്ഞുങ്ങൾ കൊല്ലപ്പെട്ട യുവതിയുടെ വേദനയ്ക്ക് മുന്നിൽ തലകുനിച്ച് ലോകം !