2024 മലയാള സിനിമയ്ക്ക് ഭാഗ്യ വർഷമാണ് എന്നതിൽ തർക്കമില്ല . ഒന്നിനു പുറകെ ഒന്നായി റിലീസ് ചെയുന്ന എല്ലാം കാഴ്ചവെക്കുന്നത് മിന്നും പ്രകടനം . കേരളത്തിൽ മാത്രമല്ല തെന്നിന്ത്യയിൽ ഒട്ടാകെ മികച്ച അഭിപ്രായമാണ് മലയാള ചിത്രങ്ങൾ നേടുന്നത്. ഇപ്പോഴിതാ തമിഴിലെ പ്രമുഖ പിആർഒയുടെ മലയാള സിനിമയെക്കുറിച്ചുള്ള വിവാദ പോസ്റ്റാണ് ചർച്ചയാവുന്നത്.
തമിഴിലെ പ്രമുഖ പിആർഒയും ട്രേഡ് അനലിസ്റ്റുമായ കാർത്തിക് രവിവർമയുമാണ് വിവാദ പോസ്റ്റുമായി എത്തിയത്. മലയാള സിനിമയിലെ ഹിറ്റുകളെല്ലാം ഊതിപ്പെരിപ്പിച്ചതാണ് എന്നാണ് ഇയാൾ പറയുന്നത്. മലയാള സിനിമയ്ക്ക് ലഭിക്കുന്ന ഹൈപ്പിൽ വലിയ കാര്യമില്ലെന്നും പലതും ഊതിപ്പെരിപ്പിച്ചതാണ് എന്നുമാണ് കാർത്തിക കുറിച്ചത്. കൂടാതെ വിജയകാന്ത് മലയാള സിനിമയെക്കുറിച്ച് പറയുന്ന വിഡിയോയും കഴിഞ്ഞ വർഷം നാല് സിനിമകൾ മാത്രമാണ് വിജയിച്ചത് എന്ന് പറയുന്ന പത്രക്കട്ടിങ്ങും ഇതിനൊപ്പം ചേർത്തിട്ടുണ്ട്.
എന്നാൽ മലയാളം സിനിമയുടെ ആരാധകരായ തമിഴ് നാട്ടുകാർ തന്നെ കാർത്തിക് രവിവർമയ്ക്കെതിരെ രംഗത്തെത്തിയിരിക്കുകയാണ്. പോസ്റ്റിന് താഴെ വൻ വിമർശനമാണ് അവർ ഉയർത്തുന്നത്. തമിഴിലെ പോലെ 70 കാരന്മാരായ ഹീറോകൾ നായികമാർക്കൊപ്പം ഡ്യുവറ്റ് നടത്തുകയല്ല അവിടെ എന്നാണ് ഒരാൾ കുറിച്ചത്. സാമ്പത്തിക വിജയമല്ല നോക്കേണ്ടതെന്നും മലയാളം സിനിമ കലാപരമായി ഏത് ഇന്റസ്ട്രിയേക്കാളും ഉയരത്തിലാണെന്നും കമന്റ് ചെയ്യുന്നവരുണ്ട്. 2023 വർഷത്തെ കാര്യം നോക്കേണ്ടെന്നും ഈ വർഷം മലയാളത്തിന്റെ ലക്കി ഇയർ ആണെന്നുമായിരുന്നു മറ്റൊരാളുടെ കമന്റ്. തമിഴിൽ ഒരേ കഥ വച്ച് വർഷങ്ങളോളം സിനിമയെടുക്കുമ്പോൾ പുത്തൻ ആശയങ്ങളാണ് മലയാളം കൊണ്ടുവരുന്നത് എന്നായിരുന്നു മറ്റൊരു പ്രേക്ഷകൻ കുറിച്ചത്.
Read Also: <a href=”https://news4media.in/the-new-criminal-laws-will-be-enforced-from-july-1/”>പുതിയ ക്രിമിനൽ നിയമങ്ങൾ ജൂലൈ ഒന്ന് മുതൽ നടപ്പാക്കും;വിജ്ഞാപനം പുറത്തിറക്കി
