സ്കൂട്ടറിൽ ഇടിച്ച് കാർ ശരീരത്തിലൂടെ കയറിയിറങ്ങി; തിരുവനന്തപുരത്ത് യുവാവിന് ദാരുണാന്ത്യം
തിരുവനന്തപുരത്ത് സ്കൂട്ടറുമായി സഞ്ചരിച്ച യുവാവിനെ കാർ ഇടിച്ച് പിന്നാലെ ശരീരത്തിലൂടെ കയറിയിറങ്ങിയത് ദാരുണ മരണത്തിന് കാരണമായി. നെടുമങ്ങാട് ആനാട് പ്രദേശത്ത് വെള്ളിയാഴ്ച വൈകിട്ട് ആറരയോടെയാണ് അപകടം നടന്നത്.
പാണയം സ്വദേശി വിനയകുമാറാണ് മരിച്ചത്. വിനയകുമാർ സഞ്ചരിച്ചിരുന്ന ഇലക്ട്രിക് സ്കൂട്ടറിലേക്ക് പിറകിൽ നിന്നെത്തിയ കാർ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ വിനയകുമാറിന്റെ ശരീരത്തിലൂടെ കാർ കയറിയിറങ്ങി.
ഗുരുതരമായി പരിക്കേറ്റ വിനയകുമാറിനെ ഉടൻ കരകുളത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
English Summary
A young man died in a tragic accident in Thiruvananthapuram after a car hit his electric scooter from behind and ran over him. The incident occurred near Nedumangad. The victim, Vinayakumar, succumbed to his injuries despite being rushed to a hospital. Police have initiated an investigation.
