​”വിജയം ഞങ്ങൾക്ക് മാത്രം”; 14 മണിക്കൂർ നീണ്ട ചർച്ചകൾക്കൊടുവിൽ ട്രംപിന്റെ മറുപടി! യുദ്ധഭീതി ഒഴിയുന്നില്ല?

​”വിജയം ഞങ്ങൾക്ക് മാത്രം”; 14 മണിക്കൂർ നീണ്ട ചർച്ചകൾക്കൊടുവിൽ ട്രംപിന്റെ മറുപടി! യുദ്ധഭീതി ഒഴിയുന്നില്ല?

ഇസ്ലാമാബാദ്: അമേരിക്കയും ഇറാൻവും തമ്മിൽ പാകിസ്ഥാൻ മധ്യസ്ഥതയിൽ നടന്ന സമാധാന ചർച്ചകൾ നിർണായക തീരുമാനമില്ലാതെ അവസാനിച്ചു. ഏകദേശം 14 മണിക്കൂർ നീണ്ട ചർച്ചകൾ ശനിയാഴ്ച ആരംഭിച്ച് അർദ്ധരാത്രി കഴിഞ്ഞും തുടർന്നുവെങ്കിലും പ്രധാന വിഷയങ്ങളിൽ ഏകാഭിപ്രായത്തിലെത്താൻ സാധിച്ചില്ലെന്നാണ് റിപ്പോർട്ട്.

ചർച്ചകളിൽ ചില വിഷയങ്ങളിൽ പുരോഗതി ഉണ്ടായതായി സൂചനയുണ്ടെങ്കിലും നിർണായക വിഷയങ്ങളിൽ ഭിന്നത തുടരുന്നതായി ഇറാൻ വൃത്തങ്ങൾ വ്യക്തമാക്കി. പ്രത്യേകിച്ച് ഹോർമുസ് കടലിടുക്ക് നിയന്ത്രണവുമായി ബന്ധപ്പെട്ട നിലപാടുകളിലാണ് ഇരുരാജ്യങ്ങളും തമ്മിൽ കടുത്ത അഭിപ്രായവ്യത്യാസം നിലനിൽക്കുന്നത്. മേഖലയിലെ സുരക്ഷയും നിയന്ത്രണവും സംബന്ധിച്ച ചർച്ചകൾ ഇപ്പോഴും പുരോഗമിക്കുകയാണ്.

ഇതിനിടെ, ചർച്ചകളുടെ ഫലത്തെ കുറിച്ച് പ്രതികരിച്ച യുഎസ് പ്രസിഡന്റ് ഡൊണാൾഡ് ട്രംപ്, കരാറിലെത്തുന്നതോ ഇല്ലാതിരിയ്ക്കുന്നതോ വലിയ കാര്യമല്ലെന്ന നിലപാട് വ്യക്തമാക്കി. യുദ്ധത്തിൽ അമേരിക്ക ഇതിനകം തന്നെ മുന്നേറ്റം നേടിയിട്ടുണ്ടെന്നും അദ്ദേഹം അവകാശപ്പെട്ടു.

“ഇറാനുമായി ഗൗരവമായ ചർച്ചകളിലാണ് ഞങ്ങൾ. അതിന്റെ ഫലം എന്തായാലും വിജയം അമേരിക്കക്കാണ്. സൈനികമായി ഞങ്ങൾ മുന്നിൽ നിൽക്കുന്നു. കരാർ ഉണ്ടാകട്ടെ ഇല്ലാതിരിക്കട്ടെ, അത് എനിക്കൊരു പ്രശ്നമല്ല,” എന്ന് ട്രംപ് മാധ്യമങ്ങളോട് പറഞ്ഞു.

ചർച്ചകൾ തുടരുന്നതിനാൽ അടുത്ത ഘട്ടത്തിൽ കൂടുതൽ നിർണായക തീരുമാനങ്ങൾ ഉണ്ടാകുമോയെന്നത് ശ്രദ്ധേയമാണ്.

English Summary
Peace talks between the United States and Iran, mediated by Pakistan in Islamabad, ended without a final agreement after nearly 14 hours of discussions.