വേനൽമഴ തുടരും; ചൂട് കനക്കുന്നു, പാലക്കാട് 40.1°C
തിരുവനന്തപുരം: സംസ്ഥാനത്ത് വേനൽമഴ തുടരുന്നതിനൊപ്പം ചൂടിന്റെ കാഠിന്യവും ഉയരുന്നുവെന്ന് ഇന്ത്യൻ കാലാവസ്ഥ വകുപ്പ് അറിയിച്ചു.
ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ നേരിയ മുതൽ ഇടത്തരം മഴയ്ക്ക് സാധ്യതയുണ്ട്.
അതേസമയം, ചൂട് കനക്കുകയാണ്. പാലക്കാട് ജില്ലയിൽ ഇന്നലെ 40.1 ഡിഗ്രി സെൽഷ്യസ് രേഖപ്പെടുത്തിയതോടെ ഈ സീസണിലെ ഏറ്റവും ഉയർന്ന താപനിലയായി. പുനലൂരിൽ 39.8 ഡിഗ്രിയിലും താപനില ഉയർന്നു.
🌡️ ഇന്ന് പ്രതീക്ഷിക്കുന്ന താപനില
- പാലക്കാട് – 39°C വരെ
- കൊല്ലം – 38°C വരെ
- തിരുവനന്തപുരം, പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂർ – 37°C വരെ
- മലപ്പുറം, കോഴിക്കോട്, കണ്ണൂർ, കാസർകോട് – 36°C വരെ
മഴയും ചൂടും ഒരേസമയം തുടരുന്ന സാഹചര്യത്തിൽ ആരോഗ്യ ജാഗ്രത പാലിക്കണമെന്ന് അധികൃതർ നിർദേശിച്ചു.
English Summary
Summer showers will continue across Kerala, while temperatures remain high, with Palakkad recording 40.1°C, the highest this season.
