ഇറാനുമായുള്ള യുദ്ധത്തിൽ അയവ്; രണ്ടാഴ്ചത്തെ വെടിനിർത്തൽ നിർദേശവുമായി ഡോണൾഡ് ട്രംപ്
വാഷിങ്ടൺ: ഡോണൾഡ് ട്രംപ് ഇറാനുമായുള്ള സംഘർഷത്തിൽ നിലപാട് മൃദുവാക്കി. ഹോർമുസ് കടലിടുക്ക് തുറക്കാൻ ഇറാൻ തയ്യാറായാൽ, രണ്ടാഴ്ചത്തേക്ക് വെടിനിർത്തൽ പ്രഖ്യാപിക്കാമെന്ന് ട്രംപ് അറിയിച്ചു.
ട്രൂത്ത് സോഷ്യൽ പ്ലാറ്റ്ഫോം വഴി നടത്തിയ പ്രസ്താവനയിലാണ് ട്രംപ് ഈ നിർദേശം മുന്നോട്ട് വെച്ചത്. ഇറാനെതിരായ ആക്രമണങ്ങൾ താൽക്കാലികമായി നിർത്തിവെക്കാൻ തയ്യാറാണെന്നും, ഇത് ഇരുപക്ഷ വെടിനിർത്തലായിരിക്കണമെന്നും അദ്ദേഹം വ്യക്തമാക്കി.
ഈ മാറ്റത്തിന് പിന്നിൽ ഷെഹ്ബാസ് ഷെരീഫ് നടത്തിയ ഇടപെടലാണെന്നാണ് വിവരം. പാകിസ്ഥാൻ സൈനിക തലവൻ അസിം മുനീർ അടക്കമുള്ള നേതാക്കളുമായി നടത്തിയ ചർച്ചകൾക്ക് ശേഷമാണ് ട്രംപ് തീരുമാനം എടുത്തത്.
ഹോർമുസ് കടലിടുക്ക് തുറക്കുന്നത് ആഗോള എണ്ണവിതരണത്തിനും വ്യാപാരത്തിനും നിർണായകമാണെന്ന് വിദഗ്ധർ ചൂണ്ടിക്കാട്ടുന്നു. നയതന്ത്ര ചർച്ചകൾക്ക് അവസരം നൽകുന്നതിനായി രണ്ടാഴ്ചത്തെ വെടിനിർത്തൽ നിർദേശം മുന്നോട്ടുവച്ചതായാണ് വിലയിരുത്തൽ.
അതേസമയം, ഈ നിർദേശത്തോട് ഇറാന്റെ പ്രതികരണം എന്തായിരിക്കുമെന്ന് കാത്തിരിക്കുകയാണ് അന്താരാഷ്ട്ര സമൂഹം.
English Summary
Donald Trump has proposed a two-week ceasefire if Iran agrees to reopen the Strait of Hormuz. The move follows diplomatic intervention by Pakistan and aims to create space for negotiations.
