എട്ടിൻ്റെ വഴിയിൽ ചന്ദ്രനിലേക്ക്; ഓറിയോൺ പേടകത്തിന്റെ 10 ദിവസത്തെ ദൗത്യം ഇങ്ങനെ
തിരുവനന്തപുരം: ബഹിരാകാശത്ത് ‘എട്ട്’ എന്ന അക്കത്തിന്റെ ആകൃതിയിലുള്ള ലൂപ്പ് പാതയിൽ സഞ്ചരിച്ച് ചന്ദ്രനെ ലക്ഷ്യമിടുന്ന ഓറിയോൺ പേടകത്തിന്റെ ദൗത്യം ശ്രദ്ധേയമാകുന്നു. ട്രാൻസ് ലൂണാർ ഇൻജക്ഷൻ വഴി ഭൂമിയുടെ ഭ്രമണപഥം വിട്ട് ചന്ദ്രന്റെ ഭ്രമണപഥത്തിലേക്ക് പ്രവേശിക്കുന്ന ഈ ദൗത്യം പത്ത് ദിവസങ്ങളിലായി പൂർത്തിയാകും.
ദൗത്യത്തിന്റെ ഘട്ടങ്ങൾ:
ഒന്നാം ദിവസം:
കെന്നഡി സ്പേസ് സെന്ററിൽ നിന്ന് വിക്ഷേപണം. ബൂസ്റ്ററുകളും റോക്കറ്റിന്റെ ആദ്യഘട്ടവും വേർപെട്ട ശേഷം പേടകം ഭൂമിയെ ചുറ്റി സഞ്ചാരം ആരംഭിക്കും.
രണ്ടാം ദിവസം:
ട്രാൻസ് ലൂണാർ ഇൻജക്ഷൻ. ഏകദേശം 30 മിനിറ്റ് എൻജിൻ ജ്വലനത്തിലൂടെ പേടകം ഭൂമിയുടെ ഭ്രമണപഥം വിട്ട് ചന്ദ്രപഥത്തിലേക്ക് തിരിയുന്നു.
മൂന്നാം ദിവസം:
ചാന്ദ്ര നിരീക്ഷണങ്ങളുടെ പ്രാഥമിക പരീക്ഷണങ്ങൾ. സുരക്ഷാ സംവിധാനങ്ങളുടെ കാര്യക്ഷമത പരിശോധിക്കും.
നാലാം ദിവസം:
സഞ്ചാരപഥത്തിൽ ചെറിയ തിരുത്തലുകൾ (‘കറക്ഷൻ ബേൺ’). ഭൂമിയുടെയും ചന്ദ്രന്റെയും ചിത്രങ്ങൾ പകർത്തൽ.
അഞ്ചാം ദിവസം:
ചന്ദ്രന്റെ ഗുരുത്വാകർഷണം ശക്തമായി അനുഭവപ്പെടുന്ന ഘട്ടം. അടിയന്തര സാഹചര്യങ്ങൾക്ക് വേണ്ട സ്പേസ് സ്യൂട്ട് പരിശീലനം.
ആറാം ദിവസം:
ചന്ദ്രോപരിതലത്തിന് ഏകദേശം 8500 കിലോമീറ്റർ വരെ അടുത്ത് സഞ്ചാരം. ചന്ദ്രന്റെ ഇരുണ്ട ഭാഗത്തിലൂടെ യാത്ര ചെയ്യുമ്പോൾ ശാസ്ത്രീയ നിരീക്ഷണങ്ങളും ചിത്രീകരണവും.
ഏഴാം ദിവസം:
ചന്ദ്രനെ വലംവച്ച് ഭൂമിയിലേക്കുള്ള മടക്കയാത്ര ആരംഭിക്കും. ശേഖരിച്ച വിവരങ്ങൾ ഭൂമിയിലേക്ക് കൈമാറും.
എട്ടാം ദിവസം:
ബഹിരാകാശ വികിരണങ്ങളെ പ്രതിരോധിക്കുന്ന പരീക്ഷണങ്ങൾ. സോളാർ ഫ്ലെയറുകൾക്കെതിരെ സംരക്ഷണ സംവിധാനങ്ങൾ പരിശോധിക്കും.
ഒൻപതാം ദിവസം:
ഭൂമിയിലേക്ക് മടങ്ങുന്നതിന് മുന്നോടിയായി കംപ്രഷൻ വസ്ത്രങ്ങൾ ധരിച്ച് ശരീരത്തെ തയ്യാറാക്കൽ.
പത്താം ദിവസം:
ഏകദേശം 3000 ഡിഗ്രി ഫാരൻഹീറ്റ് ചൂട് സഹിച്ച് ഭൂമിയുടെ അന്തരീക്ഷത്തിലേക്ക് പ്രവേശനം. പാരച്യൂട്ടുകൾ ഉപയോഗിച്ച് വേഗം കുറച്ച് പസഫിക് സമുദ്രത്തിൽ സുരക്ഷിത ലാൻഡിംഗ്.
ചെലവ്:
ആർട്ടിമിസ്-2 ദൗത്യത്തിനായി മാത്രം ഏകദേശം 410 കോടി ഡോളറാണ് ചെലവ്. കഴിഞ്ഞ രണ്ട് ദശാബ്ദങ്ങളിൽ റോക്കറ്റുകളും പേടകങ്ങളും വികസിപ്പിക്കാൻ ഏകദേശം 5000 കോടി ഡോളർ ചെലവിട്ടതായി കണക്കുകൾ സൂചിപ്പിക്കുന്നു.
English Summary
NASA’s Orion spacecraft follows a unique figure-eight trajectory as part of the Artemis II mission to the Moon. The 10-day mission includes launch, lunar orbit insertion, scientific observations, and a safe return to Earth. The mission represents a major step in deep space exploration, with significant investment over the years.
