പൊലീസ് ആസ്ഥാനത്ത് ഗുണ്ടാ വിളയാട്ടം! നടുറോഡിൽ പൊലീസുകാർ തമ്മിലടിച്ചു; കാരണമായത് ‘അമ്മയുടെ കാർ’

തിരുവനന്തപുരം: നിയമം കയ്യിലെടുക്കുന്നവരെ പൂട്ടേണ്ടവർ തന്നെ നടുറോഡിൽ ഏറ്റുമുട്ടുന്നത് കണ്ട് അമ്പരന്ന് തലസ്ഥാന നഗരി.

ഡിജിപി ഇരിക്കുന്ന സംസ്ഥാന പൊലീസ് ആസ്ഥാനത്തിന് തൊട്ടുമുന്നിലാണ് സഹപ്രവർത്തകർ തമ്മിൽ തെരുവ് ഗുണ്ടകളെപ്പോലെ അടികൂടിയത്.

ട്രാഫിക് ഡ്യൂട്ടിയിലുണ്ടായിരുന്ന ഉദ്യോഗസ്ഥനെ സഹപ്രവർത്തകൻ മർദ്ദിച്ചതോടെ സംഭവം ഇപ്പോൾ വലിയ വിവാദമായിരിക്കുകയാണ്.

ട്രാഫിക് കുരുക്കിനിടയിൽ ഉരസൽ; സഹപ്രവർത്തകന്റെ അമ്മയുടെ കാർ മാറ്റാൻ പറഞ്ഞതോടെ തുടങ്ങിയ തർക്കം

മ്യൂസിയം സ്റ്റേഷനിലെ സീനിയർ സിവിൽ പൊലീസ് ഓഫീസറായ വിശാഖിനാണ് ഡ്യൂട്ടിക്കിടെ മർദ്ദനമേറ്റത്.

പൊലീസ് ആസ്ഥാനത്തിന് മുന്നിലെ തിരക്കേറിയ റോഡിൽ ഗതാഗത നിയന്ത്രണത്തിലായിരുന്നു അദ്ദേഹം.

ഈ സമയത്താണ് റോഡരികിൽ ഗതാഗതത്തിന് തടസ്സമുണ്ടാക്കുന്ന രീതിയിൽ ഒരു കാർ പാർക്ക് ചെയ്തിരിക്കുന്നത് ശ്രദ്ധയിൽപ്പെട്ടത്.

നിയമം എല്ലാവർക്കും ഒരുപോലെയാണെന്ന ബോധ്യത്തിൽ വിശാഖ് ആ കാർ മാറ്റിയിടാൻ നിർദ്ദേശിച്ചു.

എന്നാൽ ആ കാർ പൊലീസ് ആസ്ഥാനത്ത് ഗാർഡ് ഡ്യൂട്ടിയിലുണ്ടായിരുന്ന കിരൺ എന്ന പൊലീസുകാരന്റെ അമ്മയുടേതായിരുന്നു.

തന്റെ അമ്മയുടെ വാഹനത്തിന്മേൽ നടപടിയെടുക്കാൻ നീ ആരെടാ എന്ന ഭാവത്തിലായിരുന്നു കിരണിന്റെ ഇടപെടൽ.

വാക്കേറ്റം ഒടുവിൽ കയ്യാങ്കളിയിലേക്ക്; യൂണിഫോമിന്റെ മാന്യത മറന്ന് നടുറോഡിൽ പൊലീസുകാരന്റെ ഗുണ്ടാ വിളയാട്ടം

കാർ മാറ്റാൻ ആവശ്യപ്പെട്ടതോടെ കിരൺ പ്രകോപിതനാവുകയായിരുന്നു. ഇരുവരും തമ്മിൽ ആദ്യം രൂക്ഷമായ വാക്കേറ്റമുണ്ടായി.

സംവരണ മണ്ഡലങ്ങളിൽ അന്യമതസ്ഥർ വേണ്ട! തമിഴ്‌നാട്ടിൽ വൻ നിയമപോരാട്ടം; സ്ഥാനാർത്ഥികൾ വെട്ടിലാകുമോ?

എന്നാൽ നിമിഷങ്ങൾക്കകം നിയന്ത്രണം വിട്ട കിരൺ, വിശാഖിനെ മർദ്ദിക്കുകയായിരുന്നുവെന്ന് ദൃക്സാക്ഷികൾ പറയുന്നു.

ഉന്നത ഉദ്യോഗസ്ഥർ വന്നുപോകുന്ന പൊലീസ് ആസ്ഥാനത്തിന്റെ പ്രവേശന കവാടത്തിന് തൊട്ടുമുന്നിലായിരുന്നു ഈ നാണംകെട്ട കാഴ്ച.

യൂണിഫോം ധരിച്ച ഉദ്യോഗസ്ഥർ പരസ്പരം പോരടിക്കുന്നത് കണ്ട് നാട്ടുകാരും യാത്രക്കാരും പകച്ചുനിന്നു.

മ്യൂസിയം പോലീസ് സ്റ്റേഷനിൽ പരാതി; സ്വന്തം സഹപ്രവർത്തകനെതിരെ കേസെടുക്കേണ്ടി വരുന്ന ഗതികേടിൽ പൊലീസ് സേന

മർദ്ദനമേറ്റ വിശാഖ് ഉടൻ തന്നെ സഹപ്രവർത്തകനായ കിരണിനെതിരെ മ്യൂസിയം സ്റ്റേഷനിൽ പരാതി നൽകി.

ഔദ്യോഗിക കൃത്യനിർവഹണം തടസ്സപ്പെടുത്തിയതിനും മർദ്ദനത്തിനുമാണ് പരാതി നൽകിയിട്ടുള്ളത്.

സംഭവത്തിൽ വകുപ്പുതല അന്വേഷണത്തിനും സാധ്യതയുണ്ട്. സാധാരണക്കാരനോട് നിയമം പഠിപ്പിക്കാൻ എത്തുന്ന പൊലീസ്,

സ്വന്തം സഹപ്രവർത്തകൻ നിയമം ലംഘിക്കുമ്പോൾ ഒത്തുതീർപ്പിന് ശ്രമിക്കുമോ അതോ കർശന നടപടിയെടുക്കുമോ എന്നാണ് ഇപ്പോൾ പൊതുജനം ഉറ്റുനോക്കുന്നത്.

English Summary:

A verbal spat escalated into a physical fight between two police officers in front of the Kerala Police Headquarters in Thiruvananthapuram. The incident occurred when Vishak, a Museum station officer on traffic duty, asked to move a car that was obstructing traffic. The car belonged to the mother of Kiran, an officer on guard duty at the HQ. Angered by the request, Kiran allegedly assaulted Vishak. A formal police complaint has been filed.