‘സൗകര്യങ്ങള്’ ഇഷ്ടമായി; ജയിലിലേക്കു തിരികെ പോകാന് മോഷണം; യുവാവ് പിടിയില്
തിരുവനന്തപുരം: ജയില് ജീവിതം ഇഷ്ടപ്പെട്ടതിനെ തുടര്ന്ന് വീണ്ടും ജയിലിലേക്കു പോകാനായി മോഷണം നടത്തിയ യുവാവ് പൊലീസ് പിടിയില്. കോവളം സ്വദേശിയായ ദിലിപ് ഖാനാണ് അറസ്റ്റിലായത്.
മോഷണക്കേസില് ശിക്ഷ അനുഭവിച്ച് പുറത്തിറങ്ങിയ ഒരാള് വീണ്ടും ജയിലിലേക്കു പോകാനായി കുറ്റകൃത്യം ചെയ്ത സംഭവമാണ് തിരുവനന്തപുരം കോവളത്ത് പുറത്തുവന്നത്. ആവാടുതുറ തുണ്ടുവിള സ്വദേശിയായ ദിലിപ് ഖാന് (46) ആണ് പൊലീസ് പിടിയിലായത്.
ജയില് ജീവിതം ഇഷ്ടപ്പെട്ടതിനാലാണ് വീണ്ടും മോഷണം നടത്തിയതെന്ന് ദിലിപ് ഖാന് പൊലീസിനോട് സമ്മതിച്ചു. ജയിലില് ലഭിക്കുന്ന നല്ല ഭക്ഷണം, ചികിത്സ, ജോലി, കൂലി എന്നിവയാണ് വീണ്ടും അവിടേക്കു മടങ്ങാന് പ്രേരിപ്പിച്ചതെന്നും ഇയാള് പറഞ്ഞു.
വിഴിഞ്ഞം, കോവളം പ്രദേശങ്ങളില് 21-ലധികം ചെറിയയും വലുതുമായ മോഷണങ്ങള് ഇയാള് നടത്തിയതായി പൊലീസ് അറിയിച്ചു.
ഹാര്ബര് റോഡിലെ ഒരു സൂപ്പര്മാര്ക്കറ്റില് നിന്ന് 40,000 രൂപയും ഒരു മൊബൈല് ഫോണും, കൂടാതെ കോവളത്തെ ഒരു കോഴിക്കടയില് നിന്ന് 4,000 രൂപയും 8,000 രൂപ വിലയുള്ള മൊബൈല് ഫോണും ഇയാള് മോഷ്ടിച്ചു.
രണ്ടിടങ്ങളിലുമുണ്ടായ മോഷണങ്ങള് സിസിടിവി ദൃശ്യങ്ങള് പരിശോധിച്ചാണ് പൊലീസ് പ്രതിയെ തിരിച്ചറിഞ്ഞത്. തുടര്ന്ന് നടത്തിയ അന്വേഷണത്തിലാണ് ഇയാളെ അറസ്റ്റ് ചെയ്തത്.
English Summary
A 46-year-old man from Kovalam was arrested for theft after admitting he committed crimes intentionally to return to jail. He said he preferred prison life due to facilities like food, medical care, and paid work. Police linked him to over 20 theft cases using CCTV evidence.
