യുവതിയെ അയൽവാസി കുത്തിക്കൊന്നു; കിണറ്റിൽ ചാടിയ പ്രതിയെ ഫയർഫോഴ്സ് പുറത്തെത്തിച്ചു, അറസ്റ്റ്
Thrissur: തൃശൂരിൽ യുവതിയെ അയൽവാസി കുത്തിക്കൊന്ന സംഭവത്തിൽ പ്രതിയെ പൊലീസ് അറസ്റ്റ് ചെയ്തു. ഒല്ലൂരിൽ നടന്ന സംഭവത്തിൽ സൗമ്യ (45)യാണ് കൊല്ലപ്പെട്ടത്.
വൈകീട്ട് ഏഴ് മണിയോടെയാണ് സംഭവം. ജോലി കഴിഞ്ഞ് വീട്ടിലേക്ക് വരികയായിരുന്ന സൗമ്യയെ വീടിന് സമീപത്ത് വച്ച് അയൽവാസിയായ തോമസ് (63) കുത്തുകയായിരുന്നു. കുത്തേറ്റ സൗമ്യയുടെ നിലവിളി കേട്ട് നാട്ടുകാരും വീട്ടുകാരും ഓടിയെത്തി. തുടർന്ന് ഗുരുതരമായി പരിക്കേറ്റ സൗമ്യയെ Government Medical College Hospital Thrissur സമീപത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കൊലപാതകത്തിനു ശേഷം പ്രതിയായ തോമസ് സമീപത്തെ കിണറ്റിൽ ചാടുകയായിരുന്നു. തുടർന്ന് വിവരം അറിഞ്ഞ് Kerala Fire and Rescue Services ഉദ്യോഗസ്ഥർ സ്ഥലത്തെത്തി ഇയാളെ പുറത്തെടുത്ത് പൊലീസിന് കൈമാറി. പിന്നീട് പൊലീസ് ഇയാളെ അറസ്റ്റ് ചെയ്തു.
മരിച്ച സൗമ്യ വിവാഹമോചിതയാണ്. സ്വകാര്യ ധനകാര്യ സ്ഥാപനത്തിൽ ജോലി ചെയ്യുകയായിരുന്നു. അയൽവീട്ടുകാരുമായി വർഷങ്ങളായി നിലനിന്നിരുന്ന തർക്കമാണ് കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം. പ്രതി തോമസ് ഓട്ടോറിക്ഷ ഡ്രൈവറാണെന്നും പൊലീസ് അറിയിച്ചു.
English Summary
A 45-year-old woman named Soumya was stabbed to death by her neighbour in Thrissur.
