മുഖംമൂടിയണിഞ്ഞെത്തി, സിസിടിവി തിരിച്ചു വെച്ച് പണവും ഇലക്ട്രോണിക് സാധനങ്ങളും കവർന്നു

മുഖംമൂടിയണിഞ്ഞെത്തി, സിസിടിവി തിരിച്ചു വെച്ച് പണവും ഇലക്ട്രോണിക് സാധനങ്ങളും കവർന്നു

Punalur: പുനലൂരിൽ പുലർച്ചെയോടെ മൂന്നു കടകളിൽ മോഷണം നടന്നു. State Bank of India ശാഖയ്ക്ക് സമീപമുള്ള ശാസ്താ ബിൽഡിങ്ങിൽ പ്രവർത്തിക്കുന്ന കടകളിലാണ് സംഭവം ഉണ്ടായത്.

ഇന്നലെ പുലർച്ചെ ഏകദേശം രണ്ടരയോടെയാണ് മുഖംമൂടിയണിഞ്ഞെത്തിയ മോഷ്ടാവ് മൂന്നു കടകളുടെ പൂട്ട് പൊളിച്ച് അകത്തുകയറി പണവും ഇലക്ട്രോണിക് സാധനങ്ങളും കവർന്നത്. സ്ഥലത്ത് സ്ഥാപിച്ചിരുന്ന സിസിടിവി ക്യാമറ കമ്പിവടി ഉപയോഗിച്ച് എതിർദിശയിലേക്ക് തിരിച്ചു വെച്ച ശേഷമാണ് മോഷണം നടത്തിയത്.

ഇതേ സ്ഥാപനത്തിൽ മുമ്പും മോഷണം നടന്നിട്ടുണ്ടെന്ന് കടയുടമ പറഞ്ഞു. ആദ്യ സംഭവമാകട്ടെ തദ്ദേശ തെരഞ്ഞെടുപ്പിന് തലേദിവസമായിരുന്നു. അന്നും കടയുടമയുടെ മകന്റെ വിവാഹദിവസമായിരുന്നു. ഈ വിവരങ്ങൾ അറിഞ്ഞ് തന്നെയാണ് മോഷ്ടാവ് കടയിൽ കയറിയതെന്നാണ് സംശയം.

കടയും പരിസരവും നന്നായി അറിയാവുന്ന ഒരാളാണ് മോഷണത്തിന് പിന്നിലെന്നാണ് കടയുടമയുടെ ആരോപണം. സംഭവസ്ഥലത്ത് പൊലീസ് സംഘവും ഫോറൻസിക് വിദഗ്ധരും എത്തി തെളിവുകൾ ശേഖരിച്ചു.

അതേസമയം പുനലൂരിലും സമീപ പ്രദേശങ്ങളിലും മോഷണങ്ങൾ ആവർത്തിക്കപ്പെടുന്ന സാഹചര്യത്തിലും പൊലീസിന്റെ ഇടപെടൽ പര്യാപ്തമല്ലെന്ന് വ്യാപാരി വ്യവസായി ഏകോപന സമിതി പ്രസിഡൻറ് എസ്. നൗഷാദ് ആരോപിച്ചു.

English Summary
A masked thief broke into three shops in Punalur, Kollam district, early in the morning and stole cash and electronic items. The suspect reportedly turned the CCTV camera in the opposite direction using a metal rod before committing the theft. The incident occurred in shops located near the State Bank of India branch in Shastha Building. Police and forensic experts reached the spot and began an investigation.