കേരളം ഉൾപ്പെടെ അഞ്ച് സംസ്ഥാനങ്ങളിൽ തെരഞ്ഞെടുപ്പ്; തീയതി ഇന്നോ നാളെയോ പ്രഖ്യാപിക്കും
തിരുവനന്തപുരം: കേരളം ഉൾപ്പെടെ അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പ് തീയതി ഇന്നോ നാളെയോ പ്രഖ്യാപിക്കുമെന്ന് Election Commission of India അറിയിച്ചു. പ്രഖ്യാപനത്തിന് മുൻപുള്ള നടപടികൾ കമ്മീഷൻ ഇതിനകം പൂർത്തിയാക്കിയിട്ടുണ്ട്.
തിരഞ്ഞെടുപ്പുമായി ബന്ധപ്പെട്ട സുരക്ഷാ ക്രമീകരണങ്ങൾ ഉൾപ്പെടെ വിവിധ വിഷയങ്ങളിൽ കേന്ദ്ര സർക്കാരുമായി കമ്മീഷൻ ചർച്ച നടത്തിയിട്ടുണ്ട്. വിവിധ സംസ്ഥാനങ്ങളിലേക്കുള്ള അർദ്ധസൈനിക സേനയുടെ വിന്യാസം ഉൾപ്പെടെയുള്ള കാര്യങ്ങളും പരിഗണനയിലാണ്.
മെയ് 5ന് മുൻപ് വോട്ടെണ്ണൽ പൂർത്തിയാക്കുന്ന രീതിയിലാണ് തെരഞ്ഞെടുപ്പ് ഷെഡ്യൂൾ തയ്യാറാക്കുന്നതെന്ന് സൂചന.
കേരളത്തിൽ വിഷു പോലുള്ള പ്രധാന ഉത്സവങ്ങൾ കൂടി പരിഗണിച്ചായിരിക്കും വോട്ടെടുപ്പ് തീയതി നിശ്ചയിക്കുന്നതെന്ന് കമ്മീഷൻ നേരത്തെ വ്യക്തമാക്കിയിരുന്നു.
English Summary
The Election Commission of India is expected to announce the schedule for Assembly elections in five states, including Kerala, either today or tomorrow. Preparatory procedures have been completed, and discussions with the central government regarding the deployment of paramilitary forces have taken place. The election schedule is likely to ensure that vote counting is completed before May 5, taking into account festivals such as Vishu in Kerala.
