പാലക്കാട് പിടിക്കാൻ രമേഷ് പിഷാരടി? യുഡിഎഫ് സ്ഥാനാർത്ഥിയായേക്കുമെന്ന് സൂചന
പാലക്കാട്: ചലച്ചിത്ര–ടെലിവിഷൻ രംഗത്തെ നടനും സംവിധായകനുമായ രമേഷ് പിഷാരടി പാലക്കാട് നിയോജകമണ്ഡലത്തിൽ യുഡിഎഫ് സ്ഥാനാർത്ഥിയായേക്കുമെന്ന സൂചനകൾ ശക്തമാകുന്നു.
മത്സരിക്കാൻ രമേഷ് സന്നദ്ധത അറിയിച്ചതായാണ് വിവരം. സ്ക്രീനിങ് കമ്മിറ്റിക്ക് കൈമാറിയ പട്ടികയിൽ പാലക്കാട് മണ്ഡലത്തിനായി രമേഷിന്റെ പേരാണ് ഉൾപ്പെടുത്തിയിരിക്കുന്നതെന്നും പാർട്ടി വൃത്തങ്ങൾ സൂചിപ്പിക്കുന്നു.
മുൻപ് കെ. മുരളീധരൻ ഉൾപ്പെടെയുള്ള മുതിർന്ന നേതാക്കളുടെ പേരുകളും പരിഗണനയിൽ ഉണ്ടായിരുന്നുവെങ്കിലും അന്തിമ പട്ടികയിൽ രമേഷ് പിഷാരടിയുടെ പേരാണ് ഇടംപിടിച്ചതെന്നാണ് വിവരം.
സിനിമയും ടെലിവിഷനും വഴി ലഭിച്ച ജനപ്രീതി വോട്ടായി മാറുമെന്ന വിലയിരുത്തലിലാണ് കോൺഗ്രസ് നേതൃത്വം.
പാലക്കാട് സിറ്റിങ് എംഎൽഎയായിരുന്ന രാഹുൽ മാങ്കൂട്ടത്തിൽക്കെതിരെ ഉയർന്ന കേസിനെ തുടർന്ന് പാർട്ടിയിൽ നിന്ന് പുറത്താക്കിയ സാഹചര്യത്തിൽ മണ്ഡലം നിലനിർത്താൻ കരുത്തനായ സ്ഥാനാർത്ഥിയെ കണ്ടെത്താനുള്ള ശ്രമത്തിലാണ് യുഡിഎഫ്. രമേഷ് മത്സരിച്ചാൽ വിജയസാധ്യത കൂടുതലാണെന്നാണു പാർട്ടിയുടെ കണക്കുകൂട്ടൽ.
തൃപ്പൂണിത്തുറ മണ്ഡലത്തേക്കും മുൻപ് രമേഷ് പിഷാരടിയുടെ പേര് ഉയർന്നുകേട്ടിരുന്നു.
English Summary
Actor-director Ramesh Pisharody is likely to be fielded as the UDF candidate from Palakkad. Sources indicate that he has expressed willingness to contest, and his name is reportedly the only one forwarded to the screening committee. Following the exit of sitting MLA Rahul Mamkootathil from the party, the UDF is seeking a strong candidate to retain the seat, banking on Pisharody’s popularity translating into votes.
