‘കേരള സ്റ്റോറി 2’ന് ഹൈക്കോടതിയുടെ സ്റ്റേ; റിലീസ് 15 ദിവസത്തേക്ക് തടഞ്ഞു
കൊച്ചി: ‘കേരള സ്റ്റോറി 2’ എന്ന സിനിമയുടെ റിലീസ് ഹൈക്കോടതി താൽക്കാലികമായി തടഞ്ഞു. 15 ദിവസത്തേക്കാണ് റിലീസിന് സ്റ്റേ അനുവദിച്ചത്. നാളെ റിലീസ് ചെയ്യാനിരുന്ന ചിത്രത്തിനെതിരെയാണ് ജസ്റ്റിസ് ബച്ചു കുര്യൻ തോമസ് ഉത്തരവ് പുറപ്പെടുവിച്ചത്.
‘കേരള സ്റ്റോറി’ എന്ന ശീർഷകത്തിൽ വാസ്തവവിരുദ്ധതയുണ്ടെന്ന് കോടതി മുമ്പ് തന്നെ ചൂണ്ടിക്കാട്ടിയിരുന്നു. ചിത്രം യഥാർത്ഥ സംഭവങ്ങളെ ആസ്പദമാക്കിയുള്ളതാണെന്ന് അവകാശപ്പെടുന്നത് ശരിയല്ലെന്നും അത് കേരളത്തിന്റെ പ്രതിച്ഛായയെ ബാധിക്കാമെന്നുമായിരുന്നു കോടതിയുടെ നിരീക്ഷണം.
സിനിമ ഒരു കലാരൂപമാണെന്നും ഇത്തരം വിഷയങ്ങളിൽ കോടതി ഇടപെടേണ്ടതില്ലെന്ന നിലപാടും കോടതി വ്യക്തമാക്കിയിട്ടുണ്ട്. എന്നാൽ, ചിത്രം യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടതാണെന്ന പ്രചാരണത്തിലാണ് പ്രശ്നമെന്ന് കോടതി വിലയിരുത്തി.
ചിത്രത്തിന്റെ ടീസർ ഉൾപ്പെടെയുള്ള ഉള്ളടക്കം പ്രകോപനപരമാണെന്ന് ഹർജിക്കാരൻ വാദിച്ചു. ഹർജിക്കാരനുവേണ്ടി ഹാജരായ അഡ്വ. മൈത്രേയ് സച്ചിദാനന്ദ ഹെഗ്ഡെ ഈ നിലപാട് കോടതിയിൽ അവതരിപ്പിച്ചു.
അതേസമയം, ടീസറിൽ ഉൾപ്പെടുത്തിയ ചില രംഗങ്ങൾ സിനിമയിൽ ഇല്ലെന്നായിരുന്നു നിർമാതാക്കളുടെ വിശദീകരണം.
English Summary
The Kerala High Court has stayed the release of the film ‘Kerala Story 2’ for 15 days. The movie, which was scheduled for release tomorrow, was halted by an order from Justice Bechu Kurian Thomas. The court observed that the title and claims of being based on real events could misrepresent facts and affect Kerala’s image. While noting that cinema is an art form, the court expressed concern over the film’s promotional claims and teaser content.
kerala-high-court-stays-kerala-story-2-release
Kerala High Court, Kerala Story 2, Film Release Stayed, Bechu Kurian Thomas, Kerala Cinema, Legal News
