പണം പോയ ശേഷം സങ്കടപ്പെട്ടിട്ട് കാര്യമില്ല! കൊച്ചി മെട്രോയുടെ പേരിലുള്ള തൊഴിൽ തട്ടിപ്പ് ശ്രദ്ധയിൽപ്പെട്ടോ?

പണം പോയ ശേഷം സങ്കടപ്പെട്ടിട്ട് കാര്യമില്ല! കൊച്ചി മെട്രോയുടെ പേരിലുള്ള തൊഴിൽ തട്ടിപ്പ് ശ്രദ്ധയിൽപ്പെട്ടോ?

കൊച്ചി: മെട്രോ റെയിൽ കോർപ്പറേഷനിൽ വൻതോതിൽ ജോലി ഒഴിവുകളുണ്ടെന്ന പേരിൽ പ്രചരിക്കുന്ന ഓൺലൈൻ പരസ്യങ്ങൾ വ്യാജമാണെന്ന് കെഎംആർഎൽ അധികൃതർ മുന്നറിയിപ്പ് നൽകി.

ഇത്തരത്തിലുള്ള തെറ്റായ വിവരങ്ങളിൽ വിശ്വസിച്ച് ആരും വഞ്ചിതരാകരുതെന്നും അവർ അറിയിച്ചു.

മെട്രോയിൽ ജോലി ഒഴിവുകളുണ്ടെന്ന തരത്തിലുള്ള വിവിധ പരസ്യങ്ങൾ സമൂഹമാധ്യമങ്ങളിലും വെബ്‌സൈറ്റുകളിലും പ്രചരിക്കുന്നതായി ശ്രദ്ധയിൽപ്പെട്ടതിനെ തുടർന്നാണ് മുന്നറിയിപ്പ്.

ടിക്കറ്റിംഗ് സൂപ്പർവൈസർ തസ്തികയിൽ 4500 ഒഴിവുകളുണ്ടെന്നും രജിസ്ട്രേഷൻ ഫീസായി 290 രൂപ അടയ്ക്കണമെന്നുമുള്ള ഒരു പരസ്യം ഇപ്പോൾ വ്യാപകമായി പ്രചരിക്കുന്നുണ്ട്. ഇതു പൂർണമായും വ്യാജമാണെന്നും അധികൃതർ വ്യക്തമാക്കി.

കൊച്ചി മെട്രോയിൽ ജോലി വാഗ്ദാനം ചെയ്ത് പണം ആവശ്യപ്പെടുന്നവരോട് ജാഗ്രത പാലിക്കണമെന്ന് ഉദ്യോഗാർത്ഥികൾക്ക് നിർദേശം നൽകിയിട്ടുണ്ട്.

കൊച്ചി മെട്രോയുമായി ബന്ധപ്പെട്ട എല്ലാ നിയമന വിവരങ്ങളും ഔദ്യോഗിക വെബ്‌സൈറ്റിലൂടെയാണ് പ്രസിദ്ധീകരിക്കുകയെന്ന് അധികൃതർ അറിയിച്ചു.

English Summary:

Kochi Metro Rail Limited has warned the public about fake online job advertisements claiming thousands of vacancies and asking for registration fees. Officials clarified that such ads are fraudulent and advised job seekers to rely only on official website notifications.

kochi-metro-fake-job-ads-warning

Kochi Metro, Job Scam, Fake Advertisement, KMRL, Employment Fraud, Kerala News