ഡോക്ടറോട് പക തീർക്കാൻ നായ്ക്കുരണപ്പൊടി വിതറി; കാഞ്ഞങ്ങാട്ട് രണ്ട് ആശുപത്രി ജീവനക്കാർക്കെതിരെ കേസ്
കാഞ്ഞങ്ങാട്: ജോലിസംബന്ധമായി ശകാരിച്ച ഡോക്ടറോട് വൈരാഗ്യം തീർക്കാനായി പരിശോധനാമുറിയിൽ നായ്ക്കുരണപ്പൊടി വിതറിയെന്ന പരാതിയിൽ രണ്ട് ജീവനക്കാർക്കെതിരെ പൊലീസ് കേസെടുത്തു.
മാവുങ്കാൽ പ്രവർത്തിക്കുന്ന ഇസിഎച്ച്എസ് പോളിക്ലിനിക് ആശുപത്രിയിലെ ഡോക്ടർ ടി.കെ. ഷർമിന നൽകിയ പരാതിയിലാണ് നടപടി.
സംഭവത്തിൽ ജീവനക്കാരനായ ജയകൃഷ്ണൻ, ലാബ് ടെക്നീഷ്യൻ അഞ്ജലി എന്നിവർക്കെതിരെയാണ് കേസ് രജിസ്റ്റർ ചെയ്തത്.
ബുധനാഴ്ച രാവിലെയായിരുന്നു സംഭവം. ഡോക്ടറുടെ മുറിയിലും മേശയിലും കസേരയിലും നായ്ക്കുരണപ്പൊടി വിതറിയ നിലയിലായിരുന്നു. തുടർന്ന് ശ്വാസതടസ്സം അനുഭവപ്പെട്ട ഡോക്ടർ ഹോസ്ദുർഗ് പൊലീസ് സ്റ്റേഷൻയിൽ പരാതി നൽകി.
സിസിടിവി ദൃശ്യങ്ങൾ പരിശോധിച്ച ശേഷമാണ് പ്രതികളെ തിരിച്ചറിഞ്ഞതെന്ന് പൊലീസ് അറിയിച്ചു.
ആരോഗ്യപ്രവർത്തകർക്ക് നേരെയുള്ള അതിക്രമം തടയൽ നിയമപ്രകാരമാണ് കേസ് എടുത്തിരിക്കുന്നത്. നേരത്തെ ജോലിസംബന്ധമായി ഡോക്ടർ ഇരുവരെയും ശകാരിച്ചിരുന്നതാണ് പ്രതികാരത്തിന് കാരണമെന്നാണ് പൊലീസ് നിഗമനം.
English Summary
In Kanhangad, two hospital staff members were booked after allegedly sprinkling dog hair powder inside a doctor’s examination room as an act of revenge for being reprimanded. The incident occurred at the ECHS Polyclinic in Mavunkal. Based on a complaint by the doctor, police registered a case under provisions meant to protect healthcare workers, after identifying the accused through CCTV footage.
kanhangad-echs-polyclinic-staff-booked-for-harassing-doctor
Kanhangad, ECHS Polyclinic, doctor harassment, healthcare workers protection act, police case, Kasaragod news, hospital staff, Kerala news
