ആദ്യം ഡെൽഫി ചോദിച്ചു, പിന്നെ കടന്നുപിടിച്ചു; ഫോൺ ശരിയാക്കാൻ എത്തിയ യുവാവ് അറസ്റ്റിൽ
ചെന്നൈ: ചെന്നൈ ടി.നഗറിലെ ഒരു ഹോട്ടലിൽ മലയാളിയായ യുവ നടിയെ അപമാനിക്കാൻ ശ്രമിച്ച കേസിൽ ഹോട്ടലിൽ പാർട്ട് ടൈം ജോലി ചെയ്യുന്ന വിദ്യാർത്ഥിയെ പൊലീസ് അറസ്റ്റ് ചെയ്തു. നാഗപട്ടണം സ്വദേശിയായ സയിദ് അഫ്രീദി (20) ആണ് അറസ്റ്റിലായത്.
സിനിമാ സംബന്ധമായ ആവശ്യങ്ങൾക്കായി ചെന്നൈയിലെത്തിയ നടി ടി.നഗറിലെ ഹോട്ടലിലാണ് താമസിച്ചിരുന്നത്. മുറിയിലെ ഫോൺ പ്രവർത്തനക്ഷമമല്ലാതായതിനെ തുടർന്ന് ഹോട്ടൽ അധികൃതരെ അറിയിച്ചതിനെ തുടർന്നാണ് പ്രതി മുറിയിലെത്തിയത്.
മുറിയിലെത്തിയ യുവാവ് ആദ്യം നടിയോട് സെൽഫി ആവശ്യപ്പെട്ടെങ്കിലും അവർ നിരസിച്ചു. തുടർന്ന് യുവാവ് നടിയെ ആലിംഗനം ചെയ്യാൻ ശ്രമിച്ചതായും പരാതിയിൽ പറയുന്നു.
ഇതോടെ നടി ബഹളം വച്ചതോടെ യുവാവ് മുറിയിൽ നിന്ന് ഇറങ്ങിയോടുകയായിരുന്നുവെന്നാണ് പൊലീസ് വ്യക്തമാക്കുന്നത്.
നടിയുടെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത പൊലീസ് പ്രതിയെ അറസ്റ്റ് ചെയ്ത് തുടർനടപടികൾ സ്വീകരിച്ചു.
English Summary
A 20-year-old hotel staff member was arrested in Chennai for allegedly attempting to molest a young Malayalam actress at a hotel in T Nagar. The actress had called for assistance to fix a phone in her room. The accused reportedly asked for a selfie and later tried to hug her. When the actress raised an alarm, the accused fled. Police registered a case based on her complaint and arrested the suspect.
malayalam-actress-harassment-attempt-chennai-t-nagar-hotel-youth-arrested
Malayalam actress, Chennai T Nagar, hotel harassment case, youth arrested, molestation attempt, police case, cinema news, women safety, Tamil Nadu news
