പോൺ സൈറ്റിൽ കയറി ‘കാഷ്വൽ സെക്സ്’ വിഡിയോ തിരഞ്ഞ യുവാവ് കണ്ടത് സ്വന്തം കാമുകിയുമായുള്ള സ്വകാര്യ ദൃശ്യങ്ങൾ
അശ്ലീല വെബ്സൈറ്റിൽ യാദൃശ്ചികമായി കണ്ട ഒരു വിഡിയോ ഒരു യുവാവിന്റെ ജീവിതം തകർത്ത സംഭവമാണ് ചൈനയിൽ റിപ്പോർട്ട് ചെയ്യപ്പെട്ടത്.
എറിക് എന്ന യുവാവാണ് സ്വന്തം കാമുകിയുമായുള്ള സ്വകാര്യ നിമിഷങ്ങൾ പോൺ സൈറ്റിൽ കണ്ടത്. 2023-ൽ കാമുകിയോടൊപ്പം ഷെൻഷെനിലെ ഒരു ഹോട്ടലിൽ താമസിച്ചതിന് ആഴ്ചകൾക്ക് ശേഷമാണ് ഞെട്ടിക്കുന്ന കണ്ടെത്തൽ.
ഹോട്ടൽ മുറിയിലേക്ക് ഇരുവരും എത്തുന്നതും ബാഗുകൾ വെക്കുന്നതും തുടർന്ന് നടന്ന സ്വകാര്യ നിമിഷങ്ങളും കൃത്യമായി ആ വിഡിയോയിൽ പതിഞ്ഞിരുന്നു.
മുറിയിൽ ഒളിപ്പിച്ച രഹസ്യ ക്യാമറ ഉപയോഗിച്ചാണ് ദൃശ്യങ്ങൾ പകർത്തിയതെന്നും, ഇരുവരുടെയും സമ്മതമില്ലാതെയാണ് വിഡിയോ അപ്ലോഡ് ചെയ്തതെന്നും വ്യക്തമായി. വിഡിയോ അപ്പോഴേക്കും ആയിരക്കണക്കിന് ആളുകൾ കണ്ടുകഴിഞ്ഞിരുന്നു.
“യഥാർത്ഥ പോണോഗ്രാഫിയേക്കാൾ സ്വാഭാവികമായി തോന്നുന്നതുകൊണ്ടാണ് ഇത്തരം വിഡിയോകൾ ഞാൻ കാണാറുണ്ടായിരുന്നത്. എന്നാൽ അതിലെ ഇര ഞാൻ തന്നെയാണെന്ന് മനസ്സിലായപ്പോൾ ലോകം അവസാനിക്കുന്നതുപോലെ തോന്നി,” എറിക് ദേശീയ മാധ്യമങ്ങളോട് പറഞ്ഞു.
ആദ്യം കാമുകിയോട് പറഞ്ഞപ്പോൾ അവൾ ഇത് തമാശയായി കരുതിയെന്നും വിശ്വസിക്കാൻ തയ്യാറായില്ലെന്നും എറിക് വ്യക്തമാക്കി.
എന്നാൽ സത്യമാണെന്ന് ബോധ്യമായതോടെ, സുഹൃത്തുക്കളും കുടുംബാംഗങ്ങളും സഹപ്രവർത്തകരും ഉൾപ്പെടെ പരിചയമുള്ളവർ ഈ ദൃശ്യങ്ങൾ കണ്ടിട്ടുണ്ടാകുമോ എന്ന ഭയം അവളെ അലട്ടാൻ തുടങ്ങി. മാനസികമായി തകർന്ന ഇരുവരും ആഴ്ചകളോളം തമ്മിൽ സംസാരിച്ചില്ല.
ഈ അനുഭവം സ്പൈ-ക്യാമറ പോണോഗ്രഫിയെക്കുറിച്ചുള്ള തന്റെ സമീപനം പൂർണ്ണമായും മാറ്റിമറിച്ചതായും, ഇനി ഒരിക്കലും ഇത്തരം സൈറ്റുകൾ സന്ദർശിക്കില്ലെന്നും യുവാവ് പറഞ്ഞു.
സ്വന്തം അനുഭവം പങ്കുവെച്ച്, ഇത്തരം വെബ്സൈറ്റുകൾ ഒഴിവാക്കണമെന്നും അദ്ദേഹം മുന്നറിയിപ്പ് നൽകി.
ചൈനയിൽ അശ്ലീല ദൃശ്യങ്ങളുടെ നിർമ്മാണവും പ്രചരണവും കർശനമായി നിയമവിരുദ്ധമാണെങ്കിലും, പത്ത് വർഷത്തിലേറെയായി സ്പൈ-ക്യാമറ മാഫിയ സജീവമാണെന്നാണ് റിപ്പോർട്ടുകൾ.
ഹോട്ടൽ മുറികളിൽ രഹസ്യ ക്യാമറകൾ സ്ഥാപിച്ച് ദൃശ്യങ്ങൾ പകർത്തി അവ അശ്ലീല സൈറ്റുകൾക്ക് വിൽക്കുന്നതാണ് ഇവരുടെ രീതി. കഴിഞ്ഞ ഏപ്രിലിൽ സർക്കാർ കർശന നിയമങ്ങൾ കൊണ്ടുവന്നിട്ടും ഇത്തരം ഉള്ളടക്കം ഓൺലൈനിൽ തുടരുന്നതായാണ് കണ്ടെത്തൽ.
English Summary
A Chinese man named Eric was shocked after discovering a porn video featuring his own private moments with his girlfriend, secretly recorded in a hotel room in Shenzhen. The footage was captured using a hidden spy camera and uploaded without their consent, attracting thousands of viewers. The incident deeply affected the couple, changing Eric’s perception of spy-camera pornography. Despite strict laws in China, spy-camera networks continue to operate. Eric has now urged people to stop visiting such websites after experiencing the trauma firsthand.
china-spy-camera-porn-hotel-room-couple-shocked-eric
China news, spy camera, hotel room privacy, porn website, hidden camera, cyber crime, privacy violation, viral news
