കേന്ദ്ര സർക്കാരിന്റെ പുതിയ ബാഗേജ് ചട്ടം; വിദേശയാത്ര കഴിഞ്ഞ് ഇന്ത്യയിലേക്ക് മടങ്ങുന്ന സ്ത്രീകൾക്ക് 40 ഗ്രാം വരെ സ്വർണം കൊണ്ടു വരാം
ന്യൂഡൽഹി: കേന്ദ്ര സർക്കാരിന്റെ പുതിയ ബാഗേജ് ചട്ടപ്രകാരം വിദേശയാത്ര കഴിഞ്ഞ് ഇന്ത്യയിലേക്ക് മടങ്ങുന്ന സ്ത്രീകൾക്ക് 40 ഗ്രാം വരെ സ്വർണം, വെള്ളി, പ്ലാറ്റിനം ആഭരണങ്ങൾ ഡ്യൂട്ടി ഇല്ലാതെ കൊണ്ടുവരാൻ അനുമതി നൽകി.
മറ്റ് യാത്രക്കാർക്ക് 20 ഗ്രാം വരെ ഇത്തരം ആഭരണങ്ങൾ ഡ്യൂട്ടി അടയ്ക്കാതെ കൊണ്ടുവരാനാകും.
സ്വർണം, വെള്ളി, പ്ലാറ്റിനം എന്നിവ ഉപയോഗിച്ച് നിർമ്മിച്ച ആഭരണങ്ങൾക്കാണ് ഈ ഇളവ് ബാധകമാകുന്നത്. എന്നാൽ കരമാർഗം വഴി യാത്ര ചെയ്യുന്നവർക്ക് ഈ ചട്ടം ബാധകമല്ല.
പുതുക്കിയ ചട്ടപ്രകാരം വിദേശത്ത് നിന്ന് ഇന്ത്യക്കാർക്ക് 75,000 രൂപ വരെ വിലയുള്ള സാധനങ്ങൾ ഡ്യൂട്ടി ഇല്ലാതെ കൊണ്ടുവരാനാകും. മുൻപ് ഇത് 50,000 രൂപയായിരുന്നു.
അതേസമയം, വിദേശികൾക്ക് ഇന്ത്യയിലേക്ക് ഡ്യൂട്ടി ഫ്രീയായി കൊണ്ടുവരാവുന്ന സാധനങ്ങളുടെ പരിധി 15,000 രൂപയിൽ നിന്ന് 25,000 രൂപയായി ഉയർത്തി.
ഈ പുതിയ ബാഗേജ് ചട്ടങ്ങൾ ഇന്നലെ മുതൽ പ്രാബല്യത്തിൽ വന്നു.
English Summary
Under the new baggage rules of the Central Government, women returning from abroad can bring up to 40 grams of gold, silver or platinum jewellery duty-free, while other travellers are allowed up to 20 grams. The duty-free allowance for Indian passengers has been increased to ₹75,000 and for foreign passengers to ₹25,000.
new-baggage-rules-gold-jewellery-duty-free-india
baggage rules India, duty free gold jewellery, central government rules, airport customs India, foreign travel India, gold silver platinum, New Delhi news
