ബജറ്റിൽ കേരളത്തിന് ഒന്നും കിട്ടുന്നില്ല എന്ന് പറയുന്നവരോട് ഒരു ചോദ്യമേ ഉള്ളൂ, കിട്ടിയ പദ്ധതികൾ എന്തുകൊണ്ട് നടപ്പാക്കുന്നില്ല

ബജറ്റിൽ കേരളത്തിന് ഒന്നും കിട്ടുന്നില്ല എന്ന് പറയുന്നവരോട് ഒരു ചോദ്യമേ ഉള്ളൂ, കിട്ടിയ പദ്ധതികൾ എന്തുകൊണ്ട് നടപ്പാക്കുന്നില്ല

തിരുവനന്തപുരം: കേന്ദ്ര ബജറ്റിൽ കേരളത്തിനായി പ്രത്യേക പ്രഖ്യാപനങ്ങളില്ലെന്ന വിമർശനത്തോട് പ്രതികരിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ രംഗത്തെത്തി.

 കേരളത്തിന് ഒന്നും നൽകിയിട്ടില്ലെന്ന തരത്തിൽ തെറ്റായ പ്രചാരണം നടക്കുകയാണെന്നും, കഴിഞ്ഞ ബജറ്റുകളിൽ കേന്ദ്ര സർക്കാർ അനുവദിച്ച നിരവധി പദ്ധതികൾ കേരള സർക്കാർ നടപ്പാക്കിയിട്ടില്ലെന്നും അദ്ദേഹം ആരോപിച്ചു.

മോദി സർക്കാരിന്റെ 11 വർഷത്തെ ഭരണകാലത്ത് ഇന്ത്യയെ ദുർബലമായ സമ്പദ്‌വ്യവസ്ഥയിൽ നിന്ന് ഉയർത്തിക്കൊണ്ടുവന്നുവെന്നും ഇന്ന് ഇന്ത്യ ലോകത്തിലെ നാലാമത്തെ വലിയ സമ്പദ്‌വ്യവസ്ഥയായതിന്റെ ഫലമാണ് രാജ്യത്ത് കാണുന്നതെന്നും രാജീവ് ചന്ദ്രശേഖർ പറഞ്ഞു.

കേരളത്തിന് ഒന്നും ലഭിച്ചില്ലെന്ന് പറയുന്ന ഇടത് സർക്കാരിനോട് ചോദിക്കാനുള്ളത് ഒരു കാര്യമാത്രമാണെന്നും കഴിഞ്ഞ 10–11 ബജറ്റുകളിൽ കേന്ദ്ര സർക്കാർ കേരളത്തിനായി അനുവദിച്ച പദ്ധതികൾ എന്തുകൊണ്ട് നടപ്പിലാക്കിയില്ലെന്നും അദ്ദേഹം ചോദിച്ചു.

2017ൽ കേരളത്തിലും മധുരയിലും എയിംസ് സ്ഥാപിക്കുമെന്ന് പ്രഖ്യാപിച്ചെങ്കിലും ആവശ്യമായ ഭൂമി ഇതുവരെ സംസ്ഥാന സർക്കാർ ഏറ്റെടുത്ത് നൽകിയിട്ടില്ലെന്നും അദ്ദേഹം ചൂണ്ടിക്കാട്ടി. 

പി.എം. ആയുഷ്മാൻ ഭാരത് പദ്ധതി കേന്ദ്ര സർക്കാർ അനുവദിച്ചിട്ടും അത് കേരളത്തിൽ നടപ്പാക്കിയിട്ടില്ലെന്നും, പി.എം. ആവാസ് യോജനയ്ക്കായി മുഴുവൻ തുകയും അനുവദിച്ചിട്ടും സംസ്ഥാന സർക്കാർ പദ്ധതി നടപ്പാക്കാൻ തയ്യാറായില്ലെന്നും രാജീവ് ചന്ദ്രശേഖർ ആരോപിച്ചു.

അതുകൊണ്ട് കേരളത്തിന് ഒന്നും കിട്ടിയില്ലെന്ന് പറയുന്നതിനുപകരം, ലഭിച്ച പദ്ധതികൾ എന്തുകൊണ്ട് നടപ്പിലാക്കിയില്ലെന്നാണ് സംസ്ഥാന സർക്കാരിനോട് ചോദിക്കേണ്ടതെന്ന് അദ്ദേഹം വ്യക്തമാക്കി. 

നാടിന്റെ വികസനത്തിനായി പുതിയ പദ്ധതികൾ നടപ്പാക്കണമെങ്കിൽ എൻഡിഎ സർക്കാർ കേരളത്തിൽ അധികാരത്തിൽ വരണമെന്നും, ‘ഡബിൾ എഞ്ചിൻ സർക്കാർ’ ആവശ്യമാണെന്നും രാജീവ് ചന്ദ്രശേഖർ പറഞ്ഞു.

English Summary

BJP state president Rajeev Chandrasekhar said claims that Kerala received nothing in the Union Budget are misleading. He alleged that the Kerala government failed to implement several projects approved by the Centre in previous budgets, including AIIMS, Ayushman Bharat and PM Awas Yojana. He said development in Kerala would accelerate only with an NDA “double-engine” government.

rajeev-chandrasekhar-reacts-to-kerala-budget-criticism

Rajeev Chandrasekhar, BJP Kerala, Union Budget, Kerala projects, AIIMS Kerala, Ayushman Bharat, PM Awas Yojana, NDA government, double engine government, Kerala politics