പാചകവാതക വില വീണ്ടും വർധിപ്പിച്ചു; 19 കിലോ സിലിണ്ടറിന് 50 രൂപ കൂട്ടി
ന്യൂഡൽഹി: രാജ്യത്ത് വാണിജ്യ ആവശ്യങ്ങൾക്കുള്ള പാചകവാതക സിലിണ്ടറിന്റെ വില വീണ്ടും വർധിപ്പിച്ചു. 19 കിലോ വാണിജ്യ സിലിണ്ടറിന് 50 രൂപയാണ് എണ്ണക്കമ്പനികൾ കൂട്ടിയത്.
കേന്ദ്ര ബജറ്റ് ഇന്ന് അവതരിപ്പിക്കാനിരിക്കെയാണ് വില വർധന പ്രാബല്യത്തിൽ വന്നത്.
ഹോട്ടലുകൾ, റസ്റ്റോറന്റുകൾ, ഭക്ഷണശാലകൾ ഉൾപ്പെടെയുള്ള വാണിജ്യ സ്ഥാപനങ്ങൾക്ക് ഇത് വലിയ തിരിച്ചടിയാകും.
ജനുവരിയിൽ തന്നെ വാണിജ്യ സിലിണ്ടറിന് 111 രൂപ വർധിപ്പിച്ചിരുന്നു.
പുതുക്കിയ നിരക്ക് പ്രകാരം ഡൽഹിയിൽ 19 കിലോ സിലിണ്ടറിന്റെ വില 1740.50 രൂപയായി. കൊൽക്കത്തയിൽ 1844.50 രൂപയും മുംബൈയിൽ 1692 രൂപയും ചെന്നൈയിൽ 1899.50 രൂപയുമായി ഉയർന്നു.
അതേസമയം, ഗാർഹിക ആവശ്യങ്ങൾക്കുള്ള പാചകവാതക വിലയിൽ മാറ്റമില്ല. 2025 ഏപ്രിൽ എട്ടിനാണ് ഗാർഹിക സിലിണ്ടറിന്റെ വിലയിൽ അവസാനമായി മാറ്റം വരുത്തിയത്. വിമാനയാന ഇന്ധന വിലയിൽ കുറവ് വരുത്തിയതായും അറിയിച്ചു.
English Summary
India has increased the price of 19-kg commercial LPG cylinders by ₹50 ahead of the Union Budget. The hike affects hotels and other commercial establishments, while domestic LPG prices remain unchanged.
commercial-lpg-cylinder-price-hiked-ahead-of-union-budget
LPG price hike, commercial gas cylinder, 19kg LPG, Union Budget, fuel price, hotel industry, oil companies, India news
