എന്റെ ഗാനങ്ങളിൽ പലതും അവളുടെ പേരിലൂടെ പ്രശസ്തമാണ്…44-ാം വിവാഹ വാർഷികത്തിൽ കൈതപ്രത്തിന്റെ ഹൃദയസ്പർശിയായ കുറിപ്പ്
44-ാം വിവാഹ വാർഷികദിനത്തിൽ മലയാളത്തിന്റെ പ്രിയ കവിയും ഗാനരചയിതാവുമായ കൈതപ്രം ദാമോദരൻ നമ്പൂതിരി പങ്കുവെച്ച കുറിപ്പും ചിത്രങ്ങളുമാണ് സമൂഹമാധ്യമങ്ങളിൽ ശ്രദ്ധ നേടുന്നത്.
വിവാഹചിത്രത്തിനൊപ്പം വിവാഹക്കുറിയുടെ ചിത്രം, ഇപ്പോഴത്തെ ഫോട്ടോ എന്നിവയും ഉൾപ്പെടുത്തി കൈതപ്രം ഫേസ്ബുക്കിലാണ് പോസ്റ്റ് പങ്കുവെച്ചത്.
ഭാര്യ ദേവിയോടുള്ള നന്ദിയും സ്നേഹവും നിറഞ്ഞ കുറിപ്പിൽ വിവാഹജീവിതത്തെക്കുറിച്ച് കൈതപ്രം മനസുതുറന്നു. “വിജയകരമായ വിവാഹ ജീവിതം എന്ന് ഞാൻ നിസ്സംശയം പറയും—ഞാനും എന്റെ പ്രിയതമ ദേവിയും തമ്മിൽ.
എന്റെ ജീവിതവിജയം അന്നുമുതൽ ആരംഭിച്ചു,” എന്നാണ് കൈതപ്രം കുറിക്കുന്നത്.
തൊഴിൽ, കല, സംഗീതം, സിനിമ, അവാർഡുകൾ, പത്മശ്രീ വരെ എത്തിച്ച വളർച്ചയിൽ ദേവിക്കും സമാന അവകാശമുണ്ടെന്നും അദ്ദേഹം പറഞ്ഞു.
15 വർഷത്തിലേറെയായി തുടരുന്ന തന്റെ രോഗാവസ്ഥ നിയന്ത്രിച്ചു കൊണ്ടുപോകുന്നതിലും ഊർജം പകരുന്നതിലും ദേവിയുടെ പങ്ക് വലിയതാണെന്നും കൈതപ്രം വ്യക്തമാക്കി.
മക്കളുടെ വിദ്യാഭ്യാസം, ജോലി തുടങ്ങി വീട്ടിലെ എല്ലാ കാര്യങ്ങളും “മൂകാംബികാ ദേവിയുടെ കെടാവിളക്ക് വരെ തെളിച്ച് സൂക്ഷിക്കുന്നത്” ദേവിയുടെ കൈയൊതുക്കമാണെന്നും കുറിപ്പിൽ അദ്ദേഹം പറയുന്നു.
തന്റെ പല ഗാനങ്ങളും ദേവിയുടെ പേരിലൂടെയാണ് കൂടുതൽ പ്രശസ്തമായതെന്നും കൈതപ്രം ചൂണ്ടിക്കാട്ടി.
സംവിധായകരായ ശ്രീനി, സത്യൻ അന്തിക്കാട്, മുരളി, ലോഹിതദാസ്, സിബി മലയിൽ, ജയരാജ്, കമൽ എന്നിവരെല്ലാം കുടുംബസുഹൃത്തുക്കളാണെന്നും ദേവി അവർക്കെല്ലാം സഹോദരിയാണെന്നും അദ്ദേഹം കുറിച്ചു.
ദാസേട്ടൻ (കെ.ജെ. യേശുദാസ്) പലപ്രാവശ്യം വീട്ടിലെത്തി ദേവിയുടെ അതിഥിസത്കാരം സ്വീകരിച്ച് സന്തോഷിച്ചതായും കൈതപ്രം ഓർമ്മിപ്പിച്ചു.
“ഈ വാർഷികത്തിന്റെ നേട്ടം പ്രിയതമയ്ക്ക് തന്നെ സമർപ്പിക്കുന്നു. സ്നേഹപൂർവ്വം,” എന്ന വാക്കുകളോടെയാണ് കൈതപ്രം കുറിപ്പ് അവസാനിപ്പിച്ചത്.
ENGLISH SUMMARY
Malayalam poet and lyricist Kaithapram Damodaran Namboothiri shared an emotional note on his 44th wedding anniversary along with old wedding photos, the wedding invitation, and recent pictures. In his post, he expressed deep gratitude to his wife Devi, crediting her support for his personal and professional success, including his growth in art, cinema, awards, and Padma Shri. He also acknowledged her role in managing his long-term health condition and caring for the family.
kaithapram-44th-wedding-anniversary-note-photos
Kaithapram Damodaran Namboothiri, Kaithapram, wedding anniversary, Devi, Malayalam poet, lyricist, Facebook post, Malayalam cinema, Padma Shri, celebrity news
