എസ്ഐആര്: വോട്ടര് പട്ടികയില് ഇന്നുകൂടി പേരു ചേര്ക്കാം; കരട് പട്ടികയില് നിന്ന് 9868 പേര് പുറത്ത്
തിരുവനന്തപുരം: സമഗ്ര വോട്ടർപട്ടിക പരിഷ്കരണത്തിന്റെ (SIR) ഭാഗമായി വോട്ടർപട്ടികയിൽ പേരു ചേർക്കുന്നതിനും ഒഴിവാക്കുന്നതിനുമുള്ള അപേക്ഷകൾ സമർപ്പിക്കാനുള്ള സമയപരിധി ഇന്ന് അവസാനിക്കും.
കേന്ദ്ര തെരഞ്ഞെടുപ്പ് കമ്മീഷന്റെ (eci.gov.in) വെബ്സൈറ്റ്, സംസ്ഥാന മുഖ്യ തെരഞ്ഞെടുപ്പ് ഓഫീസറുടെ (ceo.kerala.gov.in) സൈറ്റ്, അല്ലെങ്കിൽ ബൂത്ത് ലെവൽ ഓഫീസർമാർ (BLO) മുഖേന നേരിട്ടും അപേക്ഷ നൽകാം.
സാധാരണ വോട്ടർമാർക്ക് ഫോം–6യും പ്രവാസി വോട്ടർമാർക്ക് ഫോം–A6യുമാണ് ഉപയോഗിക്കേണ്ടത്. ഇന്ന് അപേക്ഷിക്കുന്നവർക്ക് ഫെബ്രുവരി 21ന് പ്രസിദ്ധീകരിക്കുന്ന എസ്ഐആർ അന്തിമ പട്ടികയിൽ ഉൾപ്പെടാൻ അവസരമുണ്ട്.
ഇതിന് ശേഷം പേരു ചേർക്കുന്നവർ സപ്ലിമെന്ററി പട്ടികയിലാകും.
ഇതുവരെ 11 ലക്ഷത്തിലധികം പേർ പേരു ചേർക്കാൻ അപേക്ഷിച്ചിട്ടുണ്ട്. പരിശോധനയും ഹിയറിംഗും ഫെബ്രുവരി 14 വരെ തുടരും.
2002ലെ വോട്ടർപട്ടികയിൽ പേര് ഇല്ലാത്ത 37 ലക്ഷത്തോളം പേർ രേഖകൾ ഹാജരാക്കണം. കരട് പട്ടികയിൽ ഉൾപ്പെട്ടിരുന്ന വിദേശത്തുള്ളവരും മരിച്ചവരുമടക്കം 9,868 പേരെ അന്തിമ പട്ടികയിൽ നിന്ന് ഒഴിവാക്കുമെന്ന് തെരഞ്ഞെടുപ്പ് കമ്മീഷൻ അറിയിച്ചു.
English Summary
The deadline for adding or deleting names in Kerala’s electoral roll revision (SIR) ends today. Applications can be submitted online or through BLOs. Over 11 lakh applications have been received so far. Verification continues till February 14, and the final list will be published on February 21.
kerala-voter-list-revision-deadline-today
Kerala, voter list, electoral roll revision, Election Commission, SIR, voter registration, Kerala elections
