കാറും കെഎസ്ആർടിസി ബസും കൂട്ടിയിടിച്ച് അപകടം; 3 പേർക്ക് ദാരുണാന്ത്യം

കാറും കെഎസ്ആർടിസി ബസും കൂട്ടിയിടിച്ച് അപകടം; 3 പേർക്ക് ദാരുണാന്ത്യം

കുറവിലങ്ങാട് (കോട്ടയം): മോനിപ്പള്ളിക്ക് സമീപം എംസി റോഡിൽ ഉണ്ടായ ഗുരുതര വാഹനാപകടത്തിൽ മൂന്ന് പേർ മരിച്ചു.

മോനിപ്പള്ളിയും കൂത്താട്ടുകുളവും ഇടയിൽ ആറ്റിക്കലിൽ ഇന്ന് രാവിലെ 11 മണിയോടെയായിരുന്നു അപകടം. കാറും കെഎസ്ആർടിസി ബസും തമ്മിൽ കൂട്ടിയിടിച്ചാണ് അപകടമുണ്ടായത്.

കാറിലുണ്ടായിരുന്ന മൂന്ന് പേരും സംഭവസ്ഥലത്ത് വെച്ചുതന്നെ മരിച്ചു. അപകടത്തിൽ മൂന്നു പേർക്ക് ഗുരുതര പരുക്കേറ്റിട്ടുണ്ട്.

ഏറ്റുമാനൂർ നീണ്ടൂർ ഓണംതുരുത്ത് കുറുപ്പൻ പറമ്പിൽ സുരേഷ് കുമാർ ആണ് മരിച്ചവരിൽ ഒരാൾ. കൂടെ ഉണ്ടായിരുന്ന സ്ത്രീയുടെയും കുട്ടിയുടെയും പേര് വിവരങ്ങൾ ഇതുവരെ സ്ഥിരീകരിച്ചിട്ടില്ല.

മരിച്ചവർ മൂവാറ്റുപുഴ ഭാഗത്ത് നിന്ന് ഏറ്റുമാനൂരിലേക്ക് യാത്ര ചെയ്യുകയായിരുന്നുവെന്നാണ് വിവരം. കോട്ടയം–കൂത്താട്ടുകുളം റൂട്ടിൽ സർവീസ് നടത്തുന്ന കെഎസ്ആർടിസി ഓർഡിനറി ബസാണ് കാറുമായി കൂട്ടിയിടിച്ചത്.

അപകടത്തിൽ പെട്ട കാർ കൂത്താട്ടുകുളത്ത് നിന്നെത്തിയ അഗ്നിരക്ഷാ സേന വെട്ടിപ്പൊളിച്ചാണ് യാത്രക്കാരെ പുറത്തെടുത്തത്.

അപകടത്തെ തുടർന്ന് എംസി റോഡിൽ ഗതാഗതം ഏറെ നേരം തടസ്സപ്പെട്ടു. പൊലീസ് സ്ഥലത്തെത്തി ഗതാഗതം നിയന്ത്രിക്കുകയും തുടർനടപടികൾ സ്വീകരിക്കുകയും ചെയ്തു.

English Summary:

Three people were killed in a tragic road accident on the MC Road near Monippally in Kottayam district. The accident occurred when a car collided with a KSRTC bus at Attickal between Monippally and Koothattukulam. All three occupants of the car died on the spot, while three others were seriously injured. Traffic on the MC Road was disrupted following the accident.

mc-road-accident-monippally-three-killed

MC Road Accident, Kottayam News, Monippally, KSRTC Bus, Road Accident Kerala, Breaking News