ഹിന്ദു വിധവയെ ക്രൂരമായി പീഡിപ്പിച്ച് മരത്തിൽ കെട്ടിയിട്ട് മുടി മുറിച്ചു; പ്രതിഷേധവുമായി ശിഖർ ധവാൻ
ധാക്ക: ബംഗ്ലാദേശിൽ ന്യൂനപക്ഷങ്ങൾക്കുനേരെ, പ്രത്യേകിച്ച് ഹിന്ദുക്കൾക്കെതിരെ തുടരുന്ന അതിക്രമങ്ങളിൽ കടുത്ത ആശങ്കയും പ്രതിഷേധവും രേഖപ്പെടുത്തി മുൻ ഇന്ത്യൻ ക്രിക്കറ്റ് താരം ശിഖർ ധവാൻ.
ഹിന്ദു വിധവയെ ക്രൂരമായി പീഡിപ്പിച്ച് മരത്തിൽ കെട്ടിയിട്ട് മുടി മുറിച്ച സംഭവമാണ് ധവാനെ ശക്തമായി പ്രതികരിക്കാൻ പ്രേരിപ്പിച്ചത്.
“ബംഗ്ലാദേശിൽ ഒരു ഹിന്ദു വിധവയ്ക്ക് നേരെ നടന്ന ഈ ക്രൂരത ഹൃദയഭേദകമാണ്. എവിടെയായാലും, ആരെതിരെയായാലും ഇത്തരം അക്രമങ്ങൾ അംഗീകരിക്കാനാവില്ല.
ഇരയ്ക്ക് നീതി ലഭിക്കാനായി ഞാൻ പ്രാർത്ഥിക്കുന്നു,” എന്നാണ് ധവാൻ സോഷ്യൽ മീഡിയയിൽ കുറിച്ചത്.
ടെലിവിഷൻ താരം സൗരഭ് രാജ് ജെയിനും സംഭവത്തെ ശക്തമായി അപലപിച്ചു. “സ്വന്തം നാട്ടിൽ മതത്തിന്റെ പേരിൽ മനുഷ്യർ കൊല്ലപ്പെടുന്നത് ഏറ്റവും വലിയ ക്രൂരതയാണ്. ഒരു മതവും മനുഷ്യത്വത്തേക്കാൾ വലുതല്ല.
അങ്ങനെ ചിന്തിക്കാത്തവർ മനുഷ്യകുലത്തിന് തന്നെ നാണക്കേടാണ്. ബംഗ്ലാദേശിലെ ഹിന്ദുക്കൾക്ക് എന്റെ പൂർണ്ണ പിന്തുണ,” എന്നാണ് അദ്ദേഹം പ്രതികരിച്ചത്.
ബംഗ്ലാദേശിൽ സമര നേതാവ് ഷെരീഫ് ഉസ്മാൻ ഹാദിയുടെ മരണത്തെ തുടർന്നുണ്ടായ പ്രതിഷേധങ്ങൾക്കിടെയാണ് ഹിന്ദുക്കൾക്കെതിരെ വ്യാപക ആക്രമണങ്ങൾ നടന്നുവരുന്നത്.
മോഷ്ടാവെന്നാരോപിച്ച് ജനക്കൂട്ടം പിന്തുടർന്ന യുവാവ് കനാലിൽ ചാടി മരിച്ച സംഭവം ഏറെ വിവാദമായിരുന്നു.
പത്രപ്രവർത്തകൻ റാണ പ്രതാപ് ബൈരാഗിയെ വെടിവെച്ചു കൊന്നതും, ഖോകൻ ചന്ദ്ര ദാസ് എന്ന വ്യാപാരിയെ ജനക്കൂട്ടം മർദ്ദിച്ച് തീകൊളുത്തി കൊന്നതും ഗുരുതരമായ സംഭവങ്ങളായി റിപ്പോർട്ട് ചെയ്തു.
മതനിന്ദ ആരോപിച്ച് ദീപു ചന്ദ്ര ദാസിനെ തല്ലിക്കൊന്ന ശേഷം മൃതദേഹം മരത്തിൽ കെട്ടിത്തൂക്കി കത്തിച്ചതും, അമൃത് മണ്ഡൽ, ബജേന്ദ്ര വിശ്വാസ് തുടങ്ങിയവരെ സമാനമായ രീതിയിൽ കൊലപ്പെടുത്തിയതുമാണ് പുറത്തുവന്ന മറ്റു സംഭവങ്ങൾ.
ബംഗ്ലാദേശിൽ ക്രമസമാധാനം തകരുകയും ന്യൂനപക്ഷങ്ങൾ വേട്ടയാടപ്പെടുകയും ചെയ്യുന്ന സാഹചര്യത്തിൽ അന്താരാഷ്ട്ര തലത്തിൽ ശക്തമായ പ്രതിഷേധങ്ങളാണ് ഉയരുന്നത്.
English Summary
Former Indian cricketer Shikhar Dhawan has expressed deep concern and condemnation over the growing violence against minorities, especially Hindus, in Bangladesh. Dhawan strongly criticized the brutal assault on a Hindu widow, calling it heartbreaking and unacceptable. Actor Saurabh Raj Jain also voiced support for Bangladeshi Hindus, stating that no religion is above humanity. The violence reportedly escalated following protests over the death of a protest leader, with several incidents of mob lynching, murder, and attacks on Hindu journalists and traders drawing international outrage.
shikhar-dhawan-condemns-attacks-on-hindus-in-bangladesh
Bangladesh, Minority rights, Hindus, Shikhar Dhawan, Violence, International reaction, Human rights, South Asia news
