തൃക്കളത്തൂർ എംസി റോഡിൽ വീണ്ടും അപകടം; കാർ കണ്ടെയ്നർ ലോറിയുമായി കൂട്ടിയിടിച്ചു; ശബരിമല തീർഥാടകന് ദാരുണാന്ത്യം ; 4 പേർക്ക് പരുക്ക്
മൂവാറ്റുപുഴ: ആന്ധ്രപ്രദേശിൽ നിന്നുള്ള ശബരിമല തീർഥാടകർ സഞ്ചരിച്ചിരുന്ന കാർ കണ്ടെയ്നർ ലോറിയുമായി കൂട്ടിയിടിച്ച് ഒരാൾ മരിച്ചു. രണ്ട് പേർക്ക് ഗുരുതരമായി പരുക്കേറ്റു.
എംസി റോഡിൽ തൃക്കളത്തൂർ കാവുംപടിക്കടുത്ത് ഇന്ന് പുലർച്ചെ അഞ്ചരയോടെയായിരുന്നു അപകടം.
ആന്ധ്രയിൽ നിന്ന് നെടുമ്പാശേരി വിമാനത്താവളത്തിലെത്തി അവിടെ നിന്ന് ടാക്സിയിൽ ശബരിമലയിലേക്ക് പോയി ദർശനം കഴിഞ്ഞ് മടങ്ങുന്നതിനിടെയാണ് അപകടം.
കാറിൽ അഞ്ച് പേരാണ് ഉണ്ടായിരുന്നത്. തൃക്കളത്തൂരിൽ എത്തിയപ്പോൾ എതിർദിശയിൽ വന്ന കണ്ടെയ്നർ ലോറിയുമായി കാർ ശക്തമായി ഇടിക്കുകയായിരുന്നു.
ഇടിയുടെ ആഘാതത്തിൽ ലോറി തലകീഴായി മറിഞ്ഞു. കാറിലുണ്ടായിരുന്നവരെ നാട്ടുകാർ ഉടൻ ആശുപത്രിയിലെത്തിച്ചെങ്കിലും ഒരാളുടെ ജീവൻ രക്ഷിക്കാനായില്ല.
ഗുരുതരമായി പരുക്കേറ്റ ഒരാളെ ആലുവയിലെ സ്വകാര്യ ആശുപത്രിയിലേക്ക് മാറ്റി. മറ്റ് യാത്രക്കാർ മൂവാറ്റുപുഴയിലെ സ്വകാര്യ ആശുപത്രിയിൽ ചികിത്സയിലാണ്.
രണ്ടാഴ്ച മുൻപ് ഇതേ പ്രദേശത്ത് ശബരിമല തീർഥാടകർ സഞ്ചരിച്ചിരുന്ന ബസ് അപകടത്തിൽപ്പെട്ടിരുന്നു.
English Summary
One person was killed and two others seriously injured when a car carrying Sabarimala pilgrims from Andhra Pradesh collided with a container lorry at Thrikkalathur on MC Road near Muvattupuzha early this morning. The pilgrims were returning after darshan at Sabarimala. The impact caused the lorry to overturn. The injured were rushed to nearby hospitals, with one critically injured person shifted to a private hospital in Aluva.
sabarimala-pilgrims-car-accident-muvattupuzha
Sabarimala pilgrims, road accident, Muvattupuzha, MC Road, Kerala news, Andhra Pradesh pilgrims, lorry collision
